[雜誌] Face週刊-神偷 Aarif李治廷
神偷 Aarif李治廷
face周刊
2010年02月24日
http://hk.face.nextmedia.com//images/next-photos/face/144/640pixfolder/W944-028/Woody100211a002_019.jpg
2009年樂壇 band仔回歸， Mr.同 Rubberband玩晒。新人冇乜聲氣，
只有側面似王力宏、正面似李小龍、斜面似陳司翰的 22歲新人李治
廷（ Aarif）最有印象！其實未正式出道已幫師姐衛蘭英文碟
《 Every Morning》填晒全碟歌詞，自己大碟《今天開始》 Aarif
更作埋曲，唱而優則演， 3月上映的《歲月神偷》獲提名金像獎「
最佳新演員」，更去埋柏林參展，此片贏埋水晶熊獎「新世代」最
佳影片！出道年多已如此成績，全憑扮?、樂器乜都識，今回又看
他最想「偷」走甚麼技能，發大圍！
李治廷半個馬來西亞血統，全名叫 Aarif Rahman，香港出世， 18
歲到英國留學 4年，於英國 Imperial College化學系畢業，全英排
名第二，超級叻仔！說起廣東話似 ABC，鼻音重電暈不少少女，「
洋化」特質性格爽朗，且轉數快，難怪在港樂壇甚為吃香。先有黎
明睇中簽約，在《叱?頒獎禮》?「新人獎」冠軍時手?的結他，
原來係少爺占做 MC時抽時間替他找來， Aarif今日說起，亦變得口
窒窒好感動。《歲月神偷》監製張婉婷更「湊仔式」教他做戲，「
唔識唔緊要，等導演我同你跑幾圈，放鬆?就得 o架啦！」 Aarif
似乎比其他新人更天時地利人和，當然，冇實力機會來了也無用，
好彩他身懷以下絕技：
問 Aarif最愛係邊個歌手，他出奇地係答：「霆鋒！佢係最能反映
後生仔反叛心態的最佳例子：打 band、飛（指炒）法拉利，仲要演
埋古惑仔，《半支煙》個樣簡直係每個男仔都一定有模仿過的……」
「最叻扮人……」
《歲月神偷》講述 60年代舊香港故事，鞋匠父親（任達華飾）與運動
健將（ Aarif飾）有多場對手戲。
Aarif真人超似王力宏，俾人講得多，「索性自己開 YouTube睇係咪似
，結果扮埋佢！」更即席以王力宏重鼻音講國語，「我像不像他？」
也最愛力宏的〈龍的傳人〉，「 Chorus唱到 A音（比較高音）可能只
有佢先得。」更扮《歲月神偷》與他有對手戲的任達華，「佢好關照我
，成日問我?夠衫未。」說完即扮任達華卡士蘭明眼素廣告表情，咦，
可以諗?拍喜劇喎。
「最勁自學……」
化名 Owl City的美國歌手 Adam Young又係自學混音而成名！
樂器都可以自學？「我好怕琴譜，我用 DC拍下彈琴?手指位，一路自
己摸熟！」如斯神奇，鼓也是這樣學來，「結他就真係爸爸教的，佢
都有玩 band，有時我會同佢 jam o架！」作曲最重拍子， Aarif話最
想「偷」走 Stevie Wonder的節奏感，「冇人勁過佢，失明的他全部
樂器均自學。近期我就聽 John Mayer及上年來過香港表演的 Owl City
，自彈自唱〈 Fireflies〉我最推介！」好好聽喎呢首歌，「近期最好
聽 live，唔係 Muse，係劉天蘭愛女 YoYo在九龍城兆基創意學院的
live，自打節拍唱王菲的〈情戒〉，好聽到呢！」更即刻一副陶醉樣，
音樂人何時何地都可以自成一國。
「最想健康！」
處男大碟《今天開始》都係騷肌 o架， Aarif形象超健康，佢仲話會?
新戲度狂跳欄，練到好辛苦，呼籲大家留意。
咪睇 Aarif手臂肉現晒青筋，「我好瘦（ 5呎 8吋高， 138磅） o架，
最近拍《歲月神偷》飾演運動員先操番 fit?！」一向有氣管敏感的他
，最憎係食二手煙，好健康仔，「我唔會去蒲，更最憎食煙，一有人食
會即刻行開。」 2010年 Aarif最想「偷」走的就是健康，「'09忙於作
曲，未有真正運動，今年我想 organize好點，最可行係夜晚 night run
。」 Aarif家住西貢，想做佢跑友就要留意?喇。
仲有一樣 Aarif想「偷」走的，就是一把沉聲，「沉聲的確畀人感覺好
信得過，新城電台 DJ阿 Bob就係咁?聲！」一把忠厚聲底的 Aarif，
更即場扮迪克與牛仔（圖）超級沉聲唱歌，「嘩，?把聲係食完煙飲完
酒唱通宵 K先有的聲音，但仲要唱歌唔走音！」
--
「愛情同見鬼一樣，都係要講緣份的。」
--
※ 發信站: 批踢踢實業坊(ptt.cc)
◆ From: 218.174.104.193
Leon_Lai 近期熱門文章
PTT偶像團體區 即時熱門文章
