[新聞] 古巨基自責大男人
╭─────────────────────────── 2012.10.08 新報──╮
古巨基（基仔）前晚於母校舉行「你知道唔知道─古巨基告別我的戀人們音樂會
」，整個音樂會共分為三段，透過基仔和森美的對話，再由基仔以新歌分別唱出對過
去三段愛情的不捨與回憶，其中第二及第三任女友亦有到場支持。整晚基仔兩度在台
上失控大哭，擦淚的紙巾丟滿一地，他自責的表示過去都是他的「大男人主義」導致
分手收場，不過事後基仔亦坦言這次音樂會算是完成了他的心願。
古巨基首先以《告別我的戀人們》及《初初》為音樂會打開序幕，緊接森美就以
主持人的身份現身，並與基仔暢談他在母校邂逅初戀情人的經過及相愛點滴，台下的
觀眾更踢爆中學時期的基仔是一個「肥仔」，不過談到內心深處時候基仔就忍唔住喊
咗出嚟，在台上不斷拭淚，但仍然堅持唱出歌曲 《SHIRLEY》及《那些年》。之後自
爆小學時期寫情信給心儀的女生的情形，他自言︰「我喺信入邊寫『喜歡的話請傳俾
我，唔喜歡的話請丟出窗外』，之後我就坐係校車佢後邊等，點知佢真係傳番嚟，但
張紙寫住『個窗打唔開』。」讓全場大笑不已。
遭第二任女友彈霸道
第二段則是基仔講述其與相識28年的異性「好兄弟」的一段友情和愛情之間的糢
糊，不過基仔對於這段戀情的發生就常常失憶，而森美更事先安排了小儀以電話聯絡
基仔的第二任女朋友做訪問，講述過去兩人之間的經歷，並現場播放給觀眾聽。森美
問到基仔為何對這段戀情經歷總是失憶？他就笑言：「我係記啲 SWEET嘢多啲，撻着
嗰吓可能未夠SWEET。」
隨即引來哄堂大笑，不過基仔亦補上一句：「有佢喺身邊好舒服。」似乎怕得罪
舊情人。至於基仔夠唔夠浪漫？她的第二任女友就透露：「佢幾浪漫，但係佢好孤寒
，佢永遠唔會讚你，可能有時厭你嘅時候就係讚緊你（點解分手？）分手原因好難講
，有後悔拍拖，佢控制唔到自己嘅霸道，真係好煩。」
直到第三段，基仔講述對最後一段刻骨銘心的愛情，他自言：「呢次好警醒咗自
己，第三位都係因為自己大男人走咗，用咗超過大半年康復，我自己係獅子座，一隻
獅子其實都有佢脆弱嘅一面。半年內，斷斷續續喺佢樓下等，睇吓佢返咗屋企未，有
無男仔上佢屋企，更表示依家每次搭車都會觸景傷情，諗起喺馬路對面等嘅畫面。我
依家習慣咗等待。我諗等嘅時間就叫做成長。」最後更深情地說：「我好感恩，因我
這幾段愛情內面，最後都可以做番朋友。」
初戀女友喺屋企湊仔
演唱會後，基仔花了一些時間平復心情，被問到剛才在台上喊得好犀利，他就表
示：「 我其實在籌備、揀歌到綵排嘅時候就擔心會喊，我錄音都喊，我知一定頂唔
順，但就無諗到今次會咁快。（初戀女友點解冇嚟）佢要係屋企湊仔。」 至於被問
到為何沒有在現場點出誰是前任女友，他就笑言：「 頭先喺台上我都話唔好開燈，
我驚忍唔住，我要保護證人，佢哋始終唔係圈內人。」
完成音樂會心願已償
最後問到有無多謝佢助手，他就笑言：「佢係我得力助力，都要多謝佢。」但只
要談論到其他部份，基仔就尷尬的迴避。不過其三位前度女友都已經成家立室，唯獨
基仔仍單身一人，他對此回應：「未諗到自己，（有無改善下大男人主義？）有改善
。」整個音樂會雖然充滿淚水，但基仔自言已經完成咗心願。
╰─────────────────────────────────────╯
--
※ 發信站: 批踢踢實業坊(ptt.cc)
◆ From: 122.118.154.247
Leo_Ku 近期熱門文章
PTT偶像團體區 即時熱門文章
