[新聞] 古巨基推薦煎腸粉帶上太空
╭───────────────────────────2012.08.12新報───╮
「全港歡迎神舟九號載人航天代表團大匯演」， 昨日在灣仔會展舉行，無線更
作現場直播，為每位市民直擊感受今次國家三位航天員景海鵬、劉旺及唯一的女太空
人劉洋的風采。無線為隆重其事更派出「人大代表」汪明荃聯同陳芷菁、李浩林為今
次匯演擔任司儀。受邀演出的嘉賓就包括有古巨基（基仔）、鍾舒漫、李克勤、GEM
和狄易達等，一眾藝人均表示有機會可以近距離接觸「航天員」而與有榮焉。
基仔以壓軸身份上台為國家航天員獻唱《友共情》，更是唯一在一眾表演嘉賓，
當中有幸與太空人景海鵬在台上互動。基仔更大表榮幸能夠與對方「握手」：「原來
太空人隻手真係好軟熟架！」
問到「閒聊」話題，基仔就笑言代表一班小朋友發問：「我問佢喺太空上面嘅飲
食囉，原來佢話我知，除左太空餐之外，都仲有水果食架！」
基仔私信八卦劉翔緋聞
對於景海鵬表示希望有機會將「香港美食」帶上太空，問基仔有何推介？他想一
想就打趣表示希望「煎腸粉」能「為港爭光」：「某程度上都好有香港特色架，即係
有甜醬花生醬嗰種！」真係夠晒創意。
另一方面，問到基仔其老友劉翔，失意倫敦奧運刻下心情如何？笑言已經與「
阿翔」聯絡的基仔就表示對方沒有問題：「都有同佢SMS來往，知道佢要做手術，而且
都知佢表示話會重返賽場，佢都有信心可以康復得返，呢個先係大前題。」
問到兩人「私信」內容，基仔就透露其實除關心對方傷勢外，兩人話題其實都頗
為八卦：「除左講做手術，都係傾啲輕鬆話題，佢媽咪都有話想佢快啲交番個女朋友，
想佢成家立室。（你介紹女仔佢識囉！）我身邊都無咁高嘅女仔，又無乜邊個運動叻！
（咁佢同張梓琳點呀？）佢有同我講，話係假嘅，緋聞黎嘅！我都有八吓架」。
╰─────────────────────────────────────╯
--
※ 發信站: 批踢踢實業坊(ptt.cc)
◆ From: 122.118.153.97
※ 編輯: circal 來自: 122.118.153.97 (08/17 22:52)
Leo_Ku 近期熱門文章
PTT偶像團體區 即時熱門文章
