[情報] 薛凱琪 ╳ 方大同說愛不能談情

看板KhalilFong (方大同)作者soldyoursoul (不准不開心)時間17年前 (2009/02/09 21:44)推噓12(12推 0噓 3→)

留言15則, 7人參與討論串1/1

剛過去的叱頒獎禮，方大同勇奪男歌手之時，一眾 903 DJ 有意無意走下台「嘲弄」大同身旁的薛凱琪，令她頓時又喊又笑。一個月後的今天，兩個人依然《甜蜜蜜》， Khalil 承諾繼續為 Fiona 《 Sing a long Song 》，這對緋聞男女不避嫌大叫：「我愛你！」相愛又不會談情，相信只有他倆才可維繫如此獨特的感情。記者：蒙為亮攝影：林鈞鳴謝： Van Gogh 髮型： Jo Lam @ VIAIL COLPO 化妝： Jessica chan 方大同（ Khalil ）於美國夏威夷出生，先後於上海和廣州生活，於 98 年定居香港。 05 年 11 月發表首張個人專輯《 Soul Boy 》， 08 年 4 月已能夠於台北舉行《方大同未來 LIVEConcert 》。今年 1 月 1 日，他更於叱樂壇頒獎典禮上奪得「叱樂壇男歌手金獎」。薛凱琪（ Fiona ） 04 年出道，第一張專輯《 F Debut 》在一星期內已達金唱片成績，其後在 IFPI 香港唱片銷量大獎中獲「最暢銷本地女新人」的殊榮。近幾年不斷在歌、影、視三棲發展，上年更踏上台板演舞台劇。最新派台歌《甜蜜蜜》火速奪得多個電台流行榜冠軍。他與她的 10 首至愛歌 1. 留意歌詞之作 — 《 Let's Stay Together 》　 AL Green 　 2. 格林美情歌王 — 《 Ordinary people 》　 John Legend 3. 調子輕快之作 — 《 My Funny Valentine 》　 Chet Baker 4. Soul 浪漫之選 — 《 Unforgettable 》　 Nat King Cole 5. 意境浪漫之選 — 《純情》　王菲　 6. 一個人的浪漫 — 《寂寞的男人》　張學友　 7. 睡前歌 — 《 Goodnight My Love 》 Jessie Belvin 　 8. 不只是朋友 — 《 You've got a friend 》　 Carole King 　 9. 今年情人節主題曲 — 《甜蜜蜜》薛凱琪 10. Love Song 的第二部曲 — 《 Sing a long Song 》　方大同不怕悶越做越愛作為一個情歌王創作人， Khalil 出道不夠四年，一年一唱片，而且還要欠下很多歌手的歌債，口頭上只有三個字：「還不清！」但對 Fiona 卻是一首又一首的度身訂做之作，由甜到漏的《糖不甩》到新歌《甜蜜蜜》都能成大熱之作，說穿了，是偏心？薛凱琪 = 薛方大同 = 方小記 = 記方：偏心一定會，不過其實每一次作歌之前 Fiona 都會同我講一句：「幫我作一首適合我薛凱琪歌啦！」可能因為咁，所以不知不覺間就變得好似專為佢寫一樣。薛：其他歌手都係咁講啦！有咩分別呀？方：都唔係，好多歌手叫我寫歌，都會話可唔可以寫一首好 soul 、好有方大同味道歌？其實隻歌係我寫，本身已經有我元素，只係唔同人唱會唱出唔同風味咁解。薛：咁我有咩特色？方：你啊？熱情、好 sweet ，但係真正認識你人又會知你有好多想法，雖然你係鬼妹仔性格，但係我偏偏覺得中國小調最適合你，有一種不足為外人道詩情畫意，再加上 Wyman 詞，每一次都計算得好準確。薛：真係要好多謝 Khalil 同 Wyman ，因為佢好錫我，好似《甜蜜蜜》呢隻歌，做了舞台劇 Theme song ，又估唔到台灣有咁多人用做 Ringtone ，你諗，廣東歌喎！方：呢兩年你真係大個好多。薛：我都覺，上年我用一年時間出兩張唱片，做六場舞台劇，我覺得好幸福，因為舞台劇一定難賺大錢，但公司仍體諒我去任意妄為。嘗試做舞台劇，令我用好多時間同精力去排練，因鍛煉而變得成熟。最開心都係記者都開始唔寫我緋聞，我諗呢係一種肯定。方：睇完你個舞台劇，第一個感覺就係你開始真真正正成為一個演得又唱得 Artist 。我覺得做 Artist 一定要 Love Repeat ，唔係叫你 Copy Cat 自己，只係好似作歌咁，要持之以作十年就會越作越好，呢就叫 Love Repeat ，同一齣舞台劇做十次，你都依然堅守就會接近成功。薛：我知，好似你作一隻歌，會唱幾千次 Demo 、錄幾十次音，方大同就係一個咁有心又唔怕悶人，唔怕悶，越做越愛，都係因為真心鍾意！發爛 gag 夢普通朋友互傳 sms 本是平常事，但訪問中 Fiona 同 Khalil 竟大爆雖然不是情侶，但煲電話粥的次數多於常人，更試過煲粥煲通宵，莫非緋聞中電話傳情真有其事？聽聞他們更會搞搞成晚 … … 搞咩？搞爛 gag 呀，仲話想搞到做生意。薛：方大同最鍾意搞 gag ，一開始識佢時以為佢斯斯文文，點知滿口爛 gag ，成件事錯晒！方：你都有搞啊，唔好剩係話我一個，你個仲爛啦！薛：記得有一次我通宵作個英文 gag ，家仲部電話度，因為文法唔同，所以香港人未必識笑，如果你識英文你就會覺得好無聊，真係好爛 … … 方： Table dun work keep it real. Chair dun fly for sure, understand? Man! 薛 + 方：（大笑）哈哈，都話你唔明啦！只有我兩個先知道呢個笑話講咩。方：其實解雀仔係會天上面飛，而魚係會游水一樣！我仲有好多，你仲聽唔聽？記：嘩！好「黎明」 … … 好難明啊！方：其實爛唔爛有咩所謂，自己開心就 OK ，不過都有諗過遲設計爛 gag Slogan Tee ，最好可以發展成一門生意！咁就發喇！薛：發就係發，不過係發開口夢！方：唔好笑！薛：講返轉頭，其實所謂傾通宵，大部份時間都係 Khalil 씊 ꔠ我訴苦，有時工作唔順利、有做得唔好，佢都會畀我好大支持，同埋佢係「分析王」，所以聽完佢講都差唔多天光，佢對我真係好好。方：我都好怕收到佢電話，因為知道次次都要傾好耐，不過見佢咁慘咪安慰佢，但過程都係開心！冷靜與熱情之間在訪問中自嘲是一個木訥怕醜仔，有趣的是他的內心卻像出生地夏威夷般熱；反之成日笑的 Fiona ，表面熱情如一般鬼妹仔的性格，內確是多愁善感。 Fiona 更即場示範飄淚技巧，一副我見猶憐的樣子，令到眾人當下不知如何是好。方：其實我唔係扮 cool ，只係少講，我由細到大都唔係一個熱情人，但我係好感性人。試過有次返上海見到一個好靚日落，就立即諗起今次新 Album 個名「明明日落」；有時見到一個好耐無見朋友都會有靈感，好少事都好易觸動我情感。雖然拍拖唔多，但係就好鍾意寫情歌。薛：我同你性格相反，我好熱情，好鍾意浪漫感覺，最衰唔識寫歌，所以通常都係用最簡單方法製造浪漫。記得試過同以前男友搵張 A4 紙寫寫畫畫，佢唔識畫就畫火柴人，我就寫英文情話，好簡單而幾乎零成本，但 ꬊ Y 過程就好 warm 好 sweet ！有時浪漫唔可以太刻意營造，越造作反而越失真，你男仔唔好以為我女仔，其實女人感覺真係好準。方：我都覺得快樂同浪漫都唔需要用錢買，我攬住對方聽一首最簡單 love song 已經可以好 touching 。薛：無錯，其實最簡單方法就係最感動人，由其係歌詞 … … 方：哈哈，你唔係又講《十年後的你》，你唔好啊！薛：（熱淚盈眶）真係 … … 方：你知唔知一講呢首歌，佢實喊！薛： … … （兩行淚水直流）呢一首歌真係好感動，雖然唔係 plug song ，不過歌詞寫得太好，好似令你反問自己呢十年來所做事，你無悔嗎？呢十年一切做過都會好似影相咁個腦入面反覆出現，有時真係感覺好孤獨，其實做 Artist 真係好辛苦 … … 方：唔使驚，有我嘛，哈哈 … … 後記訪問就是這樣在眼淚和笑聲中結束，只能說愛不能談情實在太貼切他倆的關係，不是戀人，卻很愛對方。訪問中記者最後問了一句：你倆互相愛對方嗎？他倆笑了笑，點點頭，講了一句：我愛你。愛得很簡單，而薛凱琪更認為方大同是世界上最懂愛的人。《愛愛愛》、《如果愛》、《 Love Song 》、《愛我吧》、《愛在》所有的歌名都飽滿愛，歌詞更不在話下，不是戀人，但卻可以愛得浪漫，所有感情也是相向的，有如打乒乓球有來有往，今個情人節你有對手嗎？以上轉自: 香港蘋果日報圖文版: http://0rz.tw/jJ2sd 圖1: http://0rz.tw/JthBP 圖2: http://0rz.tw/2URaK ■ 方大同自言對畫畫零天份，幾經游說下才勉為其難地畫起來。圖3: http://0rz.tw/NvgY0 ■ 這是方大同心目中的薛凱琪，又不算零天份！圖4: http://0rz.tw/1ZQTU ■ 大學修 Creative 的薛凱琪就用 Headphone 代表她喜歡音樂；蘋果代表她食素；眼中有心，因她幾乎每隻歌歌名都有個愛字。圖5: http://0rz.tw/85QyU 圖6: http://0rz.tw/mLmgJ -- ※ 發信站: 批踢踢實業坊(ptt.cc) ◆ From: 218.252.165.101 ※ 編輯: soldyoursoul 來自: 218.252.165.101 (02/09 21:47)

[情報] 薛凱琪 ╳ 方大同 說愛不能談情

[情報] 薛凱琪 ╳ 方大同說愛不能談情