陳慧琳婚事必鋪張 07/1/21

看板Kelly (陳慧琳)作者wnwn.時間18年前 (2007/01/26 01:00)推噓0(0推 0噓 0→)

留言0則, 0人參與討論串1/1

陳慧琳（ Kelly ）與男友 Alex 相戀 13 年，感情生活甜如蜜，去年更傳出兩人於美國拉斯維加斯註冊結婚，但 Kelly 否認婚訊，她說：「我真係未結婚，如果我要結婚，一定會大事鋪張，公告天下。結婚係開開心心事，冇必要咁鬼祟。一世人只靚一次，點會靜雞雞嫁去咁笨！」單純男友難求說到底，到目前為止 Kelly 既不願嫁也不言退，還是為了事業：「可以話，我希望可以再拖多兩年，因為我事業心好重，係百分百工作狂，仲想搏殺多兩年，呢方面 Alex 已經同我有共識，唔會再催我結婚，其實我就一定係嫁畀佢，但家我真係未有心理準備做少奶奶。」這段感情其實也經歷過風浪， Kelly 與 Alex 於 99 年分手，兜兜轉轉半年後，兩人又走回一起。 Kelly 笑謂：「可能揀揀去，發覺都係我最好，咁咪再追求番我！其實次分手起因都係因為我工作太忙，冇時間陪佢，兩個人為呢個問題成日嗌交，惟有協議分手，但分開要重新識過男仔，當然係一件難事，一來我成日唔香港，人約我一、兩次都食檸檬仲唔掉頭走咩？二來又驚人同我一齊唔知會唔會有所圖，要再搵番一個好似 Alex 咁單純男仔，我諗會幾困難。老實講，我諗其他人都冇佢咁單純，所以當佢再追求番我，兩個人又好自然走番埋一齊。」跳樓機歷生死一段感情失而復得，兩口子當然會更加珍惜對方，無論現時有多忙， Kelly 都會盡量抽時間陪伴男友，她說：「近幾年我主攻海外市場，特別係內地，經常要飛飛去，但只要香港，我都會盡量抽時間陪佢，如果我要出埠做，佢又有假期，咁我會叫埋佢一齊去，好似個聖誕我要去美加登台， Alex 咪同埋我一齊去，咁我咪可以一齊過聖誕。呢節日，我當然想同佢一齊過啦！」與男友逗留拉斯維加斯期間，兩人還抽空玩跳樓機，感受命懸一線的滋味，令 Kelly 大呼刺激：「我仲想玩笨豬跳呀！之前我試過澳洲簽生死狀跳降落傘，真係心都幾乎跳埋出！做人咁悶，有時都要玩、挑戰自己。如果有機會，我都想試大海同海豚一齊游水，我呢個感覺會好奇妙。」家庭篇：快樂戀家妹陳慧琳生活圈子很窄，工作的時候，總是經理人鍾珍和助手陪她，不用開工時，來來去去都是跟男友、舊同學與家人一起，她笑言：「你知唔知咁樣已經好忙，仲邊有時間識新朋友呀！其實我好喜歡屋企，家住緊加多利山大屋有 4,000 幾呎，有一個排舞室、兩個擺衫房，平日冇做，我都好鍾意留屋企執屋同釘釘，屋企已經好多搞。」雖然 Kelly 是當紅歌手，每年收入可觀，但她絕不是大花筒：「其實我最大支出都係同工作有關係，好似每季服裝費支出要六位數字以上、租屋住每個月就要畀 138,000 蚊租金，除呢支出外，其他方面我就唔係好多錢要使。」 -- ▎◣˙◢◣˙◢▉ 情報員標號:123-192-187-103.ethome-ip.ethom ▉├┼┤ ▉ ◤ ▎◥ ◤▉ 隸屬★單位:中央情報局 (bbs.e-cia.net) ▉╰┼情局▉ ◣

陳慧琳 婚事必鋪張 07/1/21

陳慧琳婚事必鋪張 07/1/21