WYMAN 黃偉文紅館演詞 《JET 十月號》訪問節錄
http://hk.lifestyle.yahoo.com/leisure/culture/article.html?id=art_4e87d0f5
WYMAN 黃偉文紅館演詞 《JET十月號》訪問內容節錄 (有提到祖兒^^)
地球，你沒有好結果？
但〈末日〉填詞人修成正果，明年二月，出道十七年舉行詞展——紅館個唱！
他說如無意外，將只說不唱。即是，何家伉儷演唱時，他負責演詞？
—— 「末日演唱會」？
係演唱會，但唔關末日事。（怎看末日論？）出年book實邊一日末日未？坊間都傳咗
幾個末日期。我冇末日心態的。因為唔末日都可以死的嘛，聽日都可以，陣間都可以。而
末日同死都係冇分別的，你個故事都係完，都係黑晒架啦。（不信明年末日？）冇諗呀。
你哋（大家）鍾意講，就講啦。唔會為呢一日而做啲咩囉！
其實末日呢啲book場事件……都末日咗好多次啦，上世紀尾已開始有。我哋由細到大
都聽住呢啲末日長大，反而，冇，可能會唔慣。可能有「的咁多」呢啲末日心態，大家做
人會俾心機啲囉，但我真係唔會當係末日囉！
反而，近年比較conscience年紀比較大，開始conscience死呀、健康呀呢啲問題，雖
然如果一定要注定有一個完嘅方法呢，比較大的存在，係突如其來的，死亡。
老，諗得過架喇！身體上會提你，我都做咗「的咁多」資料搜集，譬如最近發現有眼
濛，就開始驚老花──老花如果個名唔係叫老花的話，我會OK。我真係搵醫生去睇。原來
瞳孔附近嘅肌肉，過咗四十就會不規則地收縮，會扯到你個眼角膜變咗炒魷魚，咁就會睇
嘢好濛，老定啲呢，收縮收定啲呢，果個就先至係你真正的度數嚟。係有好多嘢，提你要
提早為老做準備……（好像比較關心人體功能上的衰退。）由呢樣嘢開始，咁你就會計晒
，用而家我呢對眼的狀態，有冇咩嘢係我好想親眼睇到的呢？咁就要睇咗先啦。
其實我係乜嘢都做最壞打算的人，預咗之後，先喺果個最壞打算底下，當我知道最壞
有幾壞的話，我就可以make fun of it。
演詞一：今天的事今天做
末日，其實撚到個演唱會。有好多「今天的事今天做」的夢魘，令到好多被催生了。
本來，唔係我想做一個演唱會，而係我身邊的人，好想我做一個演唱會，係佢哋想睇
。我呢一世唔做，冇呢個演唱會，我都OK的，即係冇呢個演唱會我都會死得眼閉。
其實得兩個選擇，一係就退咗休後，做一個「煇黃演唱會」式的，另一個就係而家做
。第一，「煇黃」已好多人做過，喺佢嘅年紀大的時候，一定會少咗啲人。第二，呢個原
因係最重要的，如果我三十年後才做這個演唱會，果啲人又老晒啦，又退晒休啦，又肥晒
啦，又唔知要喺邊度搵返，可能把聲又爛晒啦──呢個考量，係我身邊的人講的，如果你
要做一個演唱會，你就要而家做，趁所有人都是最紅、最靚、唱得最好的時候做。
同埋而家做，我會碌到堆卡囉！如果三十年後做，我未必碌到，或者要去到天腳底，
都未必搵到果個人被我碌！
—— 歌手名單方面……
有啲係膽。譬如阿詩（何韻詩）、祖兒（容祖兒）、Fiona（薛凱琪）、明哥（黃耀
明）呀，果啲應該晚晚會嚟。得到我最多歌的人，其實都知係邊一個男歌手、邊一個女歌
手……所以，最技巧的講法係，所有錫我的人都會嚟！（化妝師：李蕙敏？）呢個唔會走
得甩啦！
每晚都會有「福袋」，Candy（盧巧音）、Kelly（陳慧琳）、李克勤、Shine、王菀
之……數落都有幾大串名單。每晚有所謂「定食」啦，另外再有special，我要去撲這十
五隻special。
點解要請咁多人，係想盡量原唱。有時作品展，係有「口水歌」，我想盡量唔會，如
果個歌手嚟唔到的話，就會唔唱果隻歌。其實想好多自己鍾意的歌，或者大家覺得重要的
歌，都有。
—— 「垃圾」、「病態愛情」、「小姐」、「男人」、「五行」等系列會出現？
我而家最努力奔跑，同「頻撲」的一件事就係，我希望每晚都有「垃圾」（五部曲）
，雖然第六集未做。「男人五部曲」陳奕迅演唱會做既，我唔想再做。另外的「小姐系列
」呢，你都好難搵返……你知唔知邊個張鎧潼？（彭海桐？）張鎧潼，係一個唔再搵得返
的人。官恩娜如果嚟，「海陸空」已經有喇。（「新廣東歌運動實驗」同國語作？）我都
有好嚴重咁覺得，要唔要叫XXX（某台灣歌手）嚟一嚟……死啦！如果我講晒，就會冇晒
驚喜！「廣東話」都唔係好多，大家認識的又好少。不過，如果李彩華唔介意嚟唱一隻歌
的話，咁佢都可以嚟幫吓，因為我會好想聽到〈你唔愛我啦〉......全文請參閱《JET》
10月號
--
Wyman真的是位很棒的詞人
這場秀相當讓人期待呀
他也寫了很多好詞給祖兒^^
還有很多優秀的藝人
如果他們也都到場表演一定超精彩
--
▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉容
視聽劇場→Idols_2HKCNΣ中港人氣大會堂→HK_GirlsΣ香港女孩特區→JoeyYung 祖
▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉▉兒
--
※ 發信站: 批踢踢實業坊(ptt.cc)
◆ From: 123.194.131.176
JoeyYung 近期熱門文章
PTT偶像團體區 即時熱門文章
