《巴巴閉 邊個夠我查篤撐》節目專訪內容 (編輯中
內容陸續編輯中:>
我把電台的訪問內容key出來 大家可以看看
如果有打錯或是未聽出(以＊號表示)的地方還請多指教
查..查..查..篤篤篤..巴閉~ 邊個夠我..查 篤撐~~ (節目slogan 這也要寫?) XD
小欣來喇來喇~ 查小欣小姐
小欣姐：由今日開始講年份要改改口喇，係2011年，今日係1月3號星期一，
查篤撐喺度先祝大家新年進步，咁記住喎，要繼續Keep住香港實務求生求進步嘅精神。
今日查篤撐嘅嘉賓朋友係好值得大家學學佢哋架，因為喺1月1號元旦日，佢哋喺商台
叱吒樂壇頒獎果度攞到獎喇。講番啲歷史先吓：第一屆嘅叱吒就喺1989年1月16號舉行，
來到今年,都係揀咗專業推介，以播放率計算，加埋樂迷嘅投票，先至會頒發獎項。
咁大家都知喇，2010年TVB同四大唱片因為版稅嘅問題，大家僵持不下，造成一個連鎖
嘅效應，就係勁歌金曲頒獎禮冇四大唱片公司嘅歌手，亦都有唱片公司係杯葛港台嘅頒
獎禮。由於各有利益堅持，結果就造成樂壇重創。但係叱吒咁多年，都係守住原本嘅精
神，所以歌手得獎比起過往，更加覺得係一張實至名歸嘅成績表。
咁星期六晚，我喺現場度睇足成晚，喺＊＊＊＊嘅時候，我當然發揮查篤撐精神，即刻
請得獎歌手傾解，為你哋捕捉佢哋最開心嘅時刻。
今日係新嘅一年，查篤稱為你準備一個專輯，所以你一路聽開嘅巴閉一擊同埋酷辣辣
今日就休息一日啫，我哋先聽吓九大報章嘅娛頭，之後就開始叱吒得獎歌手嘅真心感言。
九大報章今日娛樂頭條 時間
今日嘅娛頭總冠軍頒給非常樂搞嘅叱吒頒獎禮
蘋果日報、明報、東方日報、太陽報、新報、大公報、星島日報-
陳奕迅容祖兒日前喺叱吒頒獎禮上齊齊成為大贏家。橫掃五大獎項嘅Eason對於續約一事
，繼續同記者遊花園。至於女新人JW未能得獎，有傳a-music嘅老闆黎明唔多開心。不過
一回歸華星就即刻奪女歌手獎楊千嬅就暗示喺a-music嘅三四年都未攞過叱吒女歌手獎，
今次＊＊上台只係老公帶旺佢。查篤撐送「有人歡喜有人愁」特大娛頭。
小欣姐：叱吒今年嘅主題，係「樂搞」樂壇，樂其實係音樂嘅樂。
我哋亦都將焦點放喺舊年嘅樂壇，俾心機做好音樂，得到傳媒同埋樂迷支持嘅歌手、樂隊
，同幕後精英，首先我哋重溫吓叱吒頒獎禮嘅得奬名單
<<待續>>
--
願那一刻共聚 懂得怎去相愛
愛人難 我肯學 定能愛下去
--
※ 發信站: 批踢踢實業坊(ptt.cc)
◆ From: 123.194.136.38
※ 編輯: clearclear 來自: 123.194.136.38 (01/08 11:36)
JoeyYung 近期熱門文章
PTT偶像團體區 即時熱門文章
