[報導] 李克勤唱維穩歌？真係Wyman填詞？

看板HackenLee (李克勤)作者Taipei5566 (台北56)時間10年前 (2014/06/29 02:38)推噓0(0推 0噓 0→)

留言0則, 0人參與討論串1/1

【北京‧北角】李克勤唱維穩歌？真係Wyman填詞？ http://hk.apple.nextmedia.com/enews/realtime/20140627/52632444 https://www.youtube.com/watch?v=a7UiWC3z0PU

李克勤又中伏？如果今次真係中伏，就真係……。呢首歌，由噚晚開始已於fb洗版，就算你未聽過首歌，應該都會望過下首歌名，歌名玩食字，叫做《北京‧北角》。只係講「不經不覺」？歌詞背後「融合」嘅膠味，真係分分鐘令你會由北角愛到上北京。填詞嗰個，叫做黃偉文。作曲林一峰。歌詞如下: 「北京北角　真心相愛好想見面看看地圖　隔了萬里若靠這個距離延展　彼此掛念就嫌神交都過份遠「北京北角　金紫荊對開許過願以愛熱溶　那界限線就怕最尾發現　南北竟不過電二人同居　先變大戰「北京北角　應該了斷殊途怎可　太親善很多講法　還沒有完由圍觀者撥著扇「(副歌)北京北角　心慌意亂無疑分開爽快點想深一遍　還是有緣如何捨得斷就斷如何扯開百丈遠」「剛剛發現這兩座城看似甚遠但你再退兩步宏觀畫面乍現地球儀中不算極遠」「不經不覺不可割斷然而怎麼了心願想返北角如沒有船橋樑都可繼續建」「北歐很遠北非太亂原來北京親切點北京北角還是有緣如何捨得斷就斷？」「北京北角不可割斷為何相生卻急著去煎北京北角是一心兩面並無所想那樣遠何來真火隔夜怨？怡情小吵，也就算」「不經不覺不可割斷然而怎麼了心願」，呢首《Bei Jing Bei Jiao, 北京北角》，可以演繹成一個異地戀嘅港中故事，亦可以係，一首維穩味十足嘅和諧之歌。最重要係個MV 。一連串政治宣傳蒙太奇，包括97主權移交儀式、放煙花、五星紅旗飄飄，天壇、長城等等等等，仲有香港街頭巷尾與內地壯麗山河彼此交錯，最得人驚仲係有文革紅衛兵，陰魂不散似地。最恐怖都係，MV播完疑似文革紅衛兵嘅畫面後，鏡頭一轉，代表「北京」同「北角」兩個公仔頭貼頭黐埋一舊望夕陽，歌詞係「怡情小吵，也就算」，即係破鏡重圓，大團圓結局。另外仲有強國人街頭「便便」呢啲路上風景。如果由政治解讀的話，「二人同居　先變大戰」，未知是否想表達依家似是已死嘅「一國兩制」。如果係，咁「一國兩制」係受基本法約束，依家在歌詞中演繹成「同居」關係，暗示雙方關係其實好脆弱咋喎……會否不合符「主旋律」呢？但聽落去，原來「北京北角是一心兩面並無所想那樣遠」，原來係同一顆肉做熱血的心。「很多講法　還沒有完由圍觀者撥著扇」，又明示緊乜嘢呢？你懂的 -- ※ 發信站: 批踢踢實業坊(ptt.cc), 來自: 125.230.95.4 ※ 文章網址: http://www.ptt.cc/bbs/HackenLee/M.1403980699.A.FA7.html