[新聞] 何韻詩聖誕開騷落足料補鑊

看板HOCC (何韻詩)作者ns214121 (無名的小塵埃)時間14年前 (2010/11/26 12:32)推噓6(6推 0噓 8→)

留言14則, 6人參與討論串1/1

2010年11月26日(五) 東方日報 http://orientaldaily.on.cc/cnt/entertainment/20101126/00282_028.html 何韻詩為宣傳處女國語碟，分別到內地及台灣舉行多場音樂會，惹來不少港迷呷醋。阿詩為免背負「大細超」之名，決定聖誕節在港舉行三場音樂會滿足歌迷，放棄搵真銀機會的她笑說：「我哋為音樂、為理想犧牲好多。」何韻詩早前推出的處女國語專輯《無名‧詩》叫好又叫座，阿詩更專程飛到台灣進行三個月密集式宣傳，並舉行多場音樂會，每場人數都超出預算逼爆場地，又曾到北京、上海及深圳等地開騷，令不少本地「詩迷」呷醋，在官網留言發表意見，疼錫歌迷的阿詩甘願放棄搵銀好機會，入紙伊館申請聖誕檔期，皇天不負有心人，最後成功批出十二月廿三至廿五日三日期。舞台劇紀念十周年阿詩表示每年都會舉行聖誕派對，她說：「今年好特別，可以叫晒成班朋友上台玩。」阿詩坦言雖然場地不及紅館，但仍揼本製作，她說：「係用紅館製作去做呢件事，我咁挑剔一定唔會差。」聖誕節是歌手登台搵銀機會，阿詩笑笑口說：「我哋為音樂、為理想犧牲好多。」阿詩為慶祝明年入行十年，將舉行舞台劇，深受老闆愛錫的她感激公司支持，問到有否試過提出要求被拒？她說：「冇，公司盡量滿足自己，我又唔係太過分，不過每次（支出同收入）都係扯平。」隨即笑說：「唔緊要啦，公司仲有好多歌手賺錢。」 http://ppt.cc/v;9N http://ppt.cc/Xx7~ http://ppt.cc/H5kL http://ppt.cc/yob7 何韻詩設計變態Game搬上舞台 2010年11月26日(五) 太陽報 http://the-sun.on.cc/cnt/entertainment/20101126/00470_026.html 何韻詩為滿足「港迷」，甘願放棄搵真銀機會，將於聖誕節假伊館舉行三場音樂會，充滿理想的阿詩坦言為了音樂犧牲很多！何韻詩早前為宣傳處女國語專輯《無名．詩》在台灣及內地舉行多場音樂會，令不少香港樂迷呷醋，在官網留言要求在港開騷，阿詩為免被指「大細超」即與公司開會反映，更即時入紙申請新伊館檔期，最後獲批下月23至25日聖誕檔期開騷，阿詩說：「呢個計劃原本冇，知道好多歌迷投訴，即刻入紙申請，估唔到批到呢三日。」問到為何不在紅館舉行？阿詩說：「冇可能申請到紅館，因為係上個月先決定，搵到伊館已經好好，雖然係喺伊館搞，但用紅館製作。」入行十周年「大搞」聖誕檔期是歌手搵錢好機會，阿詩笑說：「我哋為音樂、為理想犧牲好多。」每年都會搞聖誕派對的阿詩提議加設遊戲環節，她說：「我最無聊，正經嘢唔見咁積極，一有Party 就費盡心思諗遊戲，仲要係最變態嘅遊戲，今年可以叫晒所有朋友上台玩。（有冇諗過請嘉賓？）冇，喺呢個時間唔阻人搵真銀啦！」明年便是阿詩入行十周年，她有意舉行舞台劇慶祝：「公司一直都好支持我。（冇試過阻止？）冇，次次都滿足我。」阿詩坦言要求不過分會「睇餸食飯」，亦不會令公司蝕錢，她說：「好多時（指支出同收入）都係扯平。」她更哈哈大笑說：「唔緊要啦！公司仲有好多歌手賺錢。」 http://the-sun.on.cc/cnt/entertainment/20101126/photo/1126-00470-026b1.jpg