[新聞] 農夫命裏有時分開吓

看板Edison (陳冠希)作者lscv2 (屎哥(￣▽￣＃)﹏﹏)時間14年前 (2010/11/13 10:32)推噓0(0推 0噓 0→)

留言0則, 0人參與討論串1/1

農夫命裏有時分開吓農夫今年6月在紅館舉行《Down To Earth》演唱會口碑不俗，觸發起陸永和C君兩人構思新搞作，就係暫時「拆夥」各自修行。在最近推出的新碟《奇蹟》中，他們以個人身份拉攏幕後班底創作音樂，變相把新碟一分為二、二分為四，成為雙CD加雙DVD賣大包。相信為免樂迷誤以為農夫真的要解散，他們亦無意製造拆夥、不和等傳聞，故此在唱片封面上，兩人最終還是走在一起的。訪問之日，農夫卻突然實施「分開影相、分開受訪」的新措施，希望各自有機會對音樂理念暢所欲言。但基於出道至今甚少分開，如今再沒法你一言、我一語，甚至連某些講法都有出入，明顯暴露出唔係好夾的問題，過程就好像讀心神探分頭查問證人，咁都好，結果套取得到的資料卻是更多。髮型：Ivan Mak(ria li colpo) 　服裝：5cm　化妝：manyee　場地：Fringe Club 首先接受訪問的是陸永，我還是老實不客氣地問他，所謂的拆夥究竟是甚麼一回事？他笑言：「唔係要玩個人主義，但我講我的音樂，佢(C君)坐埋喺度，好悶啫！其實我哋邊度會咁有噱頭，只是分開做音樂吧！每人負責6首歌，我們可以有更多個別的嘗試。」陸永強調分開各自修行，是為了更好的重聚！下月21日，農夫將於兆基創意書院為本年度《MOOV Live》壓軸開騷。陸永說：「今次演出《MOOV Live》係同一個台，但係兩人會分開唱，試下反應會如何？你可以當睇兩個騷添！邊個出場先？睇邊個準備好咪先出場，好隨機㗎！」出道10年，陸永今次在新碟玩Back to Old School概念，並找來與他相識10年的舊拍檔 DJ Galaxy幫手。「我覺得既然之前試過同外國班底合作，今次應該支持本土創作，主要走Hip Hop加R&B路線，比較特別的一首歌叫《韓國勁舞權》，係我「陸永權」個權。你可以話我擺明抄K Pop嘅歌，我從Super Junior身上得到啟發，我都想跳一隻咁型嘅舞！另外，農夫有位老朋友KZ，他現在是一位倉務員，但從沒放棄過Hip Hop音樂，佢搬緊貨都會寫歌。」這張迷你Solo碟，陸永決定摒棄過往歌曲「易聽易明」的包袱，在歌詞上加多一點工夫。「新碟我稱之為難聽，我會鑽研多一些Rap的技巧，想大家再認識Hip Hop多一點，可能年輕人未必明白晒所有歌曲內容。好似『第一次接觸你』呢6個字，不是甚麼驚天地泣鬼神，但我足足花了36小時去構思，因為我可以用不同字眼來表達同一意思，揀咗好耐。」究竟你隻碟有沒有勁過C君的元素？他卻答得保險：「我唔敢話勁過C君，我已經沒有要鬥的觀念，歌係唔需要勁過人，只要感動到人便可以。」 C君答得率直輪到C君登場，笑問他點解要「拆夥」？C君即時回應：「咁陸永有無講幾時分開呀？」好明顯兩人仍未習慣分頭行事。其後C君解釋：「因為上次完成《O'Fama》隻碟，很多樂評都話係農夫有史以來最好的唱片，其實我哋都係咁諗，好似去到一個樽頸位，既然再難突破，不如試下分開玩音樂。難得老闆都肯支持，我哋就更加有恃無恐啦！」雖說各自修行，但新碟仍收錄了兩首合唱歌，包括上次紅館演唱會的主題曲《Rap Along Song》及另一首主打新歌《奇蹟》。C君說：「以往錄歌都係靠program、靠DJ做音樂，但今次我想配合真樂器。兩年前我開始學樂理，學唱歌，希望由Rapper進化成一位音樂人，大家在新碟都可以聽得出的。以往着重歌詞，今次則着重編曲技巧。(秘密武器？)其實無乜秘密，最大的優點是比起過往任何一隻碟，音樂性都要強，我會找來方大同的班底幫手。我與方大同合唱一曲叫《吹摯友》，吹水個吹，解作：吹水最好的朋友！由方大同包辦曲詞，有別於他一貫冷酷的一面，超無聊，但他本身就係一個勁無聊的人！」唯一兩人口脗一致的是，今次分開是為將來創造更好的音樂，兩人沒想過各自接Job是否搵多啲錢。「一直以來，聽慣流行樂壇的人只會覺得我哋口噏噏，好過癮，但我想畀他們聽落係一首歌，唔係淨係掛住歌詞，都會留意音樂。(可會考慮唱K歌？)無可能啦，林峯先做得到！」同一問題，究竟你隻碟勁過陸永的元素是甚麼？C君直言：「主題正面過佢囉！陸永一向都係『負能量王』，整個製作團隊都想做一些東西，令下一代有得着。這次是多年來的音樂中，最有良心的一次！」有傳聞老闆陳冠希(Edison)會同期出碟？「佢話啫！我在公司一路睇住個進度，我最清楚，佢肯定delay！我又點敢同老闆『對撼』呢？」還是比較喜歡C君答得夠率直。 http://www.metrohk.com.hk/index.php?cmd=detail&id=146948 -- ※ 發信站: 批踢踢實業坊(ptt.cc) ◆ From: 183.178.117.81