[新聞] 巫啟賢嘆陳奕迅獨霸樂壇

看板Eason (陳奕迅)作者CjWmC (韡)時間14年前 (2011/03/05 01:46)推噓7(7推 0噓 4→)

留言11則, 7人參與討論串1/1

巫啟賢嘆陳奕迅獨霸樂壇 2011-03-04 東方日報 http://orientaldaily.on.cc/cnt/entertainment/20110304/00282_035.html 巫啟賢、邰正宵將聯手重踏紅館舞台，同樣經歷過八、九十年代樂壇的光輝歲月，他們慨嘆香港歌手質素大不如前，唱功弱兼欠個人特色，巫啟賢更嘆息香港過去十年只得一個陳奕迅。巫啟賢、邰正宵訂於3月15日假紅館舉行《愛在燃燒的日子》演唱會，兩位「神的兒女」同聲同氣，可謂一拍即合，各自取消手頭上的個人騷，專心今次的合作，更準備到世界各地巡迴演出。他們坦言經驗成為他們默契的最大關鍵，由昔日八、九十年代樂壇的「過江龍」直至現時當前輩歌手，他們的金曲仍是港人耳熟能詳的旋律，有如紅酒般愈久愈醇。一唱就要精彩經常擔任歌唱比賽評審的巫啟賢心痛現今香港樂壇今非昔比，他說：「十年前出個陳奕迅唱得好好，點知十年後依家都係得個陳奕迅，蘇永康首《越吻越傷心》都仲係得呢首，頒獎禮入面十首歌你識得幾多首？」他坦言會留意樂壇，認為香港這片福地被糟蹋，他續說：「台灣真係冇停過去發掘歌手，你睇蕭敬騰、楊宗緯一開聲就已經有曬水準同埋特色，我最嬲人話我有進步，歌手唔係學生，唔係求進步，你一行出嚟就應該要唱得好精彩。」而邰正宵亦有同感，他說：「依家香港歌手唔係似陳奕迅就係似周杰倫，聽來聽去都係咁上下，無以前歌手性格咁鮮明，其實每個人都係獨一無二呀，唔需要模仿！」全職侍奉上帝剛踏入四十八歲的巫啟賢三年前因女兒從怪病中突然康復的神蹟，令他信奉基督教，隨即戒煙、戒夜蒲，更計劃五十五歲正式退休全職傳教，他說：「以前好多都係不必要應酬，依家屋企人對我好重要，五十五歲前好多責任要負，五十五歲後，我可以全力咁服侍上帝。」 _____________________________________________________________________________ 潘迪華含淚別舞台 Eason挽留前輩：好唔捨得 2011-03-04 蘋果日報 http://www1.hk.apple.nextmedia.com/template/apple/art_main.php?iss_id=20110304&sec_id=462&art_id=15037521 80歲潘迪華告別舞台，前晚在文化中心演出 62年演藝生涯的最後一場演唱會，黃耀明、 at17及官恩娜等客串演唱致意，連陳奕迅（ Eason）、何韻詩等後輩都捧場當朝聖， Eason更不停噴 20分鐘口水挽留潘姐姐：「我好唔捨得你呀。」令她感動落淚。潘迪華舉行兩場「潘迪華& The Big Band音樂會 2011」，前晚在文化中心演出尾場，從此她便告別 62年的演藝舞台，不少後輩藉此最後機會向潘姐姐致意，劉德華、張學友、林嘉欣及王家衛等送上花籃，黃耀明、 at17及官恩娜擔任表演嘉賓，其中官恩娜演出潘姐姐當年的首本名作，即第一個華語音樂劇《白孃孃》，當年演小青的森森、陳奕迅與何韻詩等捧場獻花，也臨時上台獻唱表心意。當潘姐姐唱了多首名曲後，本只是座上客的 Eason忽然衝上台獻花，潘姐姐嚇了一跳，笑謂：「老人家唔嚇得 o架，你係咪嚟唱歌 o架。」被 Eason突擊激親 Eason說：「我同你加埋可以講三個鐘，好榮幸可以參與你呢個大日子，你諗清楚，唔好退休啦。」潘姐姐聞言忍不住落淚， Eason說：「我好唔捨得你呀。」潘姐姐表示：「我好 proud of myself，呢兩晚我都好唔捨得，但好開心 Eason、 at17同明哥都話以我做榜樣，要唱到 80歲。」 Eason又挽留潘迪華：「你諗清楚啦，呢一刻諗唔代表下一刻都咁諗，我 8月前都諗過退出唔再出唱片。」潘姐姐表示全屬觀眾的責任，因下載風氣令唱片不再好賣，她對 Eason 說：「我好羨慕你啲碟賣得咁好，你係樂壇領導人，要帶領潮流，畀好嘢大家聽。」她又笑謂若 Eason與她合辦音樂會，她會考慮不退出，之後 Eason清唱《 Everytime We Say Goodbye》，潘姐姐笑謂：「畀個衰仔激死，突然走咗嚟。」事後潘姐姐接受訪問，表示首晚演出時已不捨舞台，又謂：「我係講信用嘅人，講咗就唔改變。」潘姐姐謂美中不足是文化中心音響差，她說：「樓上觀眾聽唔到我講嘢，同埋我印咗本小冊子做慈善，又唔畀擺。」 -- ※ 發信站: 批踢踢實業坊(ptt.cc) ◆ From: 114.32.140.167 ※ 編輯: CjWmC 來自: 114.32.140.167 (03/05 01:46)