女友楂弗

看板Eason (陳奕迅)作者faith984 (我是索隆)時間19年前 (2005/08/11 14:50)推噓0(0推 0噓 0→)

留言0則, 0人參與討論串1/1

陳奕迅30℃冬裝焗著出道十年的陳奕迅（Eason），上週首次在大陸開騷，在廣州天河體育館的處男演唱會，主辦單位都落重本在舞台設計、燈光方面搞花臣，而大部分器材更由香港運上去。不過服裝方面，主辦商就無權過問，全由鍾意買衫的「阿嫂」徐濠縈話事。雖然Eason聲言對女友taste好滿意，但現場觀眾就唔多識欣賞：「天氣咁熱，埋咁衫，陰功！」女友監場早在○一年，Eason的《TheEasyRide》演唱會，全部歌衫已由女友徐濠縈負責，雖然外間評語彈多過讚，但今次廣州演唱會仍然由女友話事。有男友撐腰，歌衫唔貴唔買，據知大會對Eason置裝費嚴重超支頗有微言，又對徐濠縈的「神秘」安排有意見：「開騷前幾日，Eason會幾多套衫？邊類型衫我都未知。」除了管制歌衫，女友亦不時在台邊到實。演唱會其中一part，換上bratop熱褲的舞蹈員與 Eason大跳辣身舞，舞蹈員跳到胸部移晒位，幾對手又在Eason胸口及大腿徘徊，台下觀眾都睇到狂呼尖叫，但女友在台下緊張監場，Eason不敢越界。掂同胞出道十年的Eason才首次在大陸開騷，自去年約滿英皇，改簽陳家瑛做經理人後，Eason正式發展大陸市場。首先去年十月他為中央電視台拍電視劇《G弦上的嘆調》扮愛滋病人，同時又出席國內多個音樂頒獎禮。為宣傳今次廣州演唱會，Eason於開騷前兩日，親身上廣州與數百fans補祝生日。雖然初試牛刀入座率只有八成，但Eason已感滿意：「最緊要觀眾反應好，邊個開騷都唔滿，阿 Sam（許冠傑）咪又係！」據知Eason已落實下一站上海演唱會。除了勤力北上搵銀，Eason亦好識大陸傳媒。大會原本安排大陸及香港傳媒在演唱會慶功宴後做訪問，但有大陸記者以夜深為由，要求在慶功宴舉行前做訪問，為打好與大陸記者關係，Eason即時打尖為對方做訪問，香港傳媒就捱等。咁識討好大陸同胞，抵Eason賺咁多「人仔」。生日唔湊女上週三（廿七日）是Eason三十一歲生日，當晚他在跑馬地「OysterExpress」包場，請一眾好友馮德倫、莫文蔚、梁漢文、謝霆鋒、EricKwok等開P慶祝，壽星仔更在人前晒恩愛，拖實女友任記者影相。不過初為人父的Eason就無帶寶貝女康堤，由家中菲傭照顧。香汗淋漓照一張 http://www.easonchan.net/images/n050803a.jpg