《齊天大聖孫悟空》卡士空前張衛健友情價搵霆鋒 …
2001/08/20
NMG集團投資一千萬美金重型製作——張衛健的《齊
天大聖孫悟空》，陣容夠晒強勁，網羅現今最紅歌
手謝霆鋒、鄭秀文、許志安等，反叛霆鋒做鍾馗，
美豔Sammi做觀音夠晒噱頭，全部都因為係健仔老死
願收友情價，認真唔話得。健仔仲入圍台灣金鐘
獎最佳男主角，據知係第一個港星有咁榮譽，真係
戥健仔開心。
由NMG（天中）製作投資超過八千萬開拍的電視劇《
齊天大聖孫悟空》，鐵定以超強勁的陣容配搭，務
求令觀眾耳目一新。
製作八千萬元
《齊天大聖孫悟空》製作人李世雄透露，今次除了有
張衛健做孫悟空、梁漢文剃頭演唐僧、葛民輝飾豬八
戒、許志安演龍馬、李燦森飾沙僧外，還特別邀請了
謝霆鋒破天荒演鍾馗、鄭秀文齋戒演觀音，另有袁詠
儀、林心如、任賢齊、蘇永康、林志穎及吳孟達等（
詳見附表），陣容強勁得令人嘩然！
而李世雄今次更特別邀請才子蕭若元及他的兒子蕭定一
製作，蕭若元坦言今次務求令觀眾有新鮮感，故在演員
配搭方面花盡心思。據知，由於不少演員都是因為健仔
關係，以友情價演出，單是製作費已超逾八千萬，否則
單是這個陣容的卡士費，已超出天文數字。
此外，蕭若元更表示：「依家除內地電視台外，香港
賣俾邊個台都係未知之數，可以透露只係兩個台都爭
得好緊要，價錢？總之係天文數字啦！」
撼王家韓劇
據知今次若是無線爭贏的話，將會以此劇與亞視有意洽
購由王家製作的韓劇對撼，到時必有一番龍爭虎鬥。
《齊天大聖孫悟空》將於十月中開拍，目前已籌備得如
火如荼，蕭若元還準備在九月大搞招募活動，他謂：「
因為個劇入面太多蜘蛛精、白骨精、乜精物精咁，所以
我會搞個招募，希望發掘多新人演出。」
--
※ 發信站: 批踢踢實業坊(ptt.csie.ntu.edu.tw)
◆ From: 203.203.50.158
Dicky 近期熱門文章
PTT偶像團體區 即時熱門文章