陳曉東感情飛機論
e-plus 1/12/2001
打開報紙娛樂版，有陳曉東（東東）新聞，講佢工作o既新聞少之又少
，但講佢感情o既新聞就源源不絕，近排更甚！報章上形容東東o既詞
語有「花心」、「搏宣傳」、「冇品」…，不斷抨擊東東，奈何東東
表現得冷靜，究竟佢點解會有咁o既處事態度，原來一切來自搭飛機！
飛機論
儘管東東受負面新聞纏擾，但佢冇發一般人o既牢騷，處於泰然，呢個
處事態度，原來係來自搭飛機！
「我早排因為想o係香港、台灣、新加坡、馬來西亞、中國大陸唔同地
方搵音樂創作人幫我新碟寫歌，所以要周圍飛，雖然我成日都搭住架飛
機周圍去，不過我o係搭飛機o既過程入面，學到好多做人道理。好似
有次我搭飛機遇著一個好大o既氣流，感覺好似坐過山車，同機o既人
個個都好驚，不過我就一o的都唔驚，仲識得哈哈咁笑o添！因為我學
識o左無論遇著咩o野事情，都要笑住咁去面對，唔應該去大驚小怪。」
經得起風浪
打從東東95年入行至今，確實遇過唔少唔開心o既經歷，尤其近排與柏
芝o既新聞，東東又係唔係每次都會好似之前所講o既「飛機論」咁從
容面對？
「咁以前我當然會唔開心，不過我真係好好彩，因為每次都會有人去
開解我，去幫我，尤其係我o既歌迷，當我有事，佢o地會幫我做中間
人，幫我平反，我真係好感激佢o地！我性格好強，而且對自己要求好
高，我好開心自己有咁o既性格，因為咁樣先至可以去承受發生o係我
身上唔開心o既事，總之經一事長一智，雖然我而家人生經驗唔算非常
豐富，但我就真係識得去控制情緒，起碼唔會讚牛角尖。」
東東搵阿東
其實東東近排多次搭飛機來往東南亞各地，除o左令佢學識控制情緒之
外，亦令佢o係工作上得到好大滿足感！
「因為我今次去唔同地方搵唔同o既音樂創作人，都係想令自己o係歌
曲類型上有突破。好似我今次就第一次同阿東（張亞東）合作，令我
唱到以前從未試過o既歌曲，所以今次大碟我o既歌曲同以前有好大分
別，而且出o黎o既反應唔錯，令我有好大滿足感。除o左搵音樂創作人
之外，我亦都嘗試作兩首歌，然後我會留意其他人對我作o既歌o既感覺
，反應唔好唔緊要，我會再試第二次、第三次，咁樣做人先會進步。」
「東東」
陳曉東出道至今，無論佢個樣變成點，其他人仍然好似小朋友咁以
「東東」稱呼佢。東東：「『東東』呢個名係我由細叫到大，雖然我
年紀都唔細，不過可能我個樣俾人感覺好細路仔，所以改唔到口，不
過咁都好，唔駛咁快老嘛！哈哈！」
雖然東東個樣俾人感覺養唔大，不過當佢經歷過無數負面新聞，再聽
返佢以前同而家所唱o既歌曲，感覺唔同哂。「東東只係一個外在o既
稱呼，不過思想上，成熟o左喇！」
--
阿東真是很成熟~同年又同星座的我面對問題有時仍然無法笑著...
也許在個性上有部份是很類似的,但阿東真的處理的很好!
我真的該多多向他學習不論做人處事方面。
--
※ 發信站: 批踢踢實業坊(ptt.csie.ntu.edu.tw)
◆ From: 210.201.178.54
DanielChen 近期熱門文章
PTT偶像團體區 即時熱門文章
6
10