[歌詞] 遠近

看板ChrisLiao (廖文強)作者where2go (蜉蝣│ふゆ)時間3年前 (2021/07/31 18:57)推噓0(0推 0噓 0→)

留言0則, 0人參與討論串1/1

遠近作詞：廖文強作曲：廖文強你用雙手的針線　紩出我大部份的青春老針車的聲　是伴我眠夢的歌針空一工一工愈來愈細線頭開出一蕊一蕊的花你攏講無要緊　但是目睭袂講白賊話徛甲愈近愈看袂清楚菜單頂懸的字這馬攏看無你講不如就看予遠遠眼前的事　就毋免閣煩惱遠到越頭攏看袂清　恁猶原閣放袂記我已經是會當照顧好家己的大人敢講猶是無夠近　猶袂當予恁放心佇恁需要我的時　我會踮佇恁的身邊你雙手扞的 ha-too-luh 載我逐工出門讀書振動的計程車　是我睏甲上四序的眠床仔顏色一工一工愈來愈濁體力一冬一冬愈來愈無你攏講免煩惱　但是生活已不再輕可徛甲愈遠愈看袂清楚 khang-pang 頂懸的字這馬攏看無你講不如就看予近近未來的事　就毋免閣煩惱遠到越頭攏看袂清恁猶原閣放袂記我已經是會當照顧好家己的大人敢講猶是無夠近　猶袂當予恁放心佇恁需要我的時我會踮佇恁的身邊遠到回頭攏看無影　咱雙手愈毋甘放咱一直是遠近袂當磨滅的思念我雙手的十支手指頭　予我彈音樂唱歌予恁聽記持中的恁　猶原是青春的少年仔年歲一工一工愈來愈長目鏡一副一副愈來愈重鏡片中的恁　皺痕已經深甲無地藏鏡片外的恁　請閣加陪我行一站 MV：https://youtu.be/w8yQkAvRnV4

-- ※ 發信站: 批踢踢實業坊(ptt.cc), 來自: 118.171.71.58 (臺灣) ※ 文章網址: https://www.ptt.cc/bbs/ChrisLiao/M.1627729052.A.A50.html ※ 編輯: where2go (118.171.54.30 臺灣), 08/08/2021 20:13:21