Beyond三子再聚大歎懷才不遇
■Beyond三子再聚大歎懷才不遇 黃貫中Fans爆粗叫陳少寶食屎
黃貫中前晚首次舉行個人演唱會，全場爆滿，其中他有感而發講出一番「懷才不遇」的言
論時，台下有Fans爆粗大鬧陳少寶：「食×屎呀！」
黃貫中一連兩場的《Play It Loud演唱會》前晚假紅館舉行，整晚毫無冷場，女友朱茵全
程在控制台上欣賞。觀眾當晚反應熱烈，演唱會尾段，阿Paul有感而發：「如果冇一生不
斷努力玩樂器o既人，就冇歌星，冇超級巨星。奈何我o地永遠俾人當地下，上唔到大檯。
只要有我o地一日，都會玩落去，我o地係咪另類？」
Fans即大叫「唔係」，掌聲雷動，更有人爆粗鬧環球唱片香港區總裁陳少寶：「邊個話上
唔到大檯，係咪陳少寶，叫佢出箧食×屎啦！」而當阿Paul演唱《無得比》前，表示是最
後一首歌，有Fans又爆粗：「唔×好畀佢停！」阿Paul遂幽默地說：「講粗口會俾警察拉
o左！」
◇克勤自嘲頭髮少
前晚的嘉賓亦掀起不少高潮，先有穿尠飛虎裝，蒙臉的神秘結他手林海峰，繼而是坐在觀
眾席的李克勤，阿Paul即席請他上台，還笑言要克勤歸還多年前借過的碟，克勤則自嘲頭
髮不夠多，唔夠對方Fing。
黃家強與葉世榮出場掀起全晚高潮，阿Paul更形容當晚是Beyond二十周年紀念演唱會的預
演，三人Jam了四首歌，台下Fans瘋狂尖叫，並不停揮動和平手勢，大叫「家駒」及「Bey
ond」。
◇綵排時警察到場
對於Fans大鬧少寶，阿Paul認真地說：「o個番話係我心聲，講o個陣都有Ｄ眼濕濕，但唔
係講少寶。」而陳少寶則因未有聽過阿Paul那番話而不願回應。昨日出席新城活動的克勤
則說：「小寶唔覺意受畄靶，梗係慘，有時大家對佢有誤解，佢應該唔介意。」
此外，阿Paul在演唱會前夕在紅館綵排時，因聲浪騷擾到鄰近酒店住戶，警方接到投訴到
場，令綵排中斷。
來源:太陽報http://the-sun.com.hk/channels/ent/20021107/(有圖)
Beyond 近期熱門文章
PTT偶像團體區 即時熱門文章
