陰陽相隔葉世榮悲痛回憶七年情
快周刊－２１６期
陰陽相隔葉世榮悲痛回憶七年情
葉世榮女友許韻珊 Cynthia 在家中猝死，世榮傷心難當。在世榮心目中，Cynthia
已猶如其老婆，現女友不幸離世，世榮以「未婚夫」名義及身分，忍住傷痛為 Cynthia
辦理身後事，送女友最後的一程。
親自為女友揀選陪葬品
世榮曾揚言打算明年迎娶 Cynthia，料不到現在陰陽相隔。世榮因為家駒的離去，未
能完成 Beyond 的巡迴演唱會，視為一大遺憾；如今 Cynthia 突然離去，未能與女友
共諧連理，對世榮而言是另一個更大的遺憾。
現時，世榮忙於為女友辦理身後事，雖然每日都要面對傳媒的追訪，但要忍受痛失女
友之苦的世榮也體諒傳媒，表現相當合作。幾日過後，世榮的心情稍為平伏，對於記
者的來電，世榮頻說多謝關心。
「我依家 OK 啦，胃口一般。暫時我會停晒所有工作，辦理女友o既後事。山地已經搵
好，會採用道教儀式，每日主要係去齋堂上香俾女友。呢段時間都唔會亂郁女友o既o野鴊，唔會刻意去執拾佢o既o野。不過，我會俾o的好鍾意o既佢陪葬，呢o的我o地兩個人之
間o既o野，唔會公開係咩，唔係我驚有人會盜墓！」世榮開始懂得說笑，可見心情已較
前為好。「會唔會覺得好化？我不嬲都好化，只係估唔到會發生係我女友身上，真係好
突然。」
「佢係全世界最好o既女仔」
自 Cynthia 突離開，外間有關二人的報道層出不窮，有指 Cynthia 有服食葯物習慣，
脾氣大經常呼喝世榮，女方家長嫌世榮沒出息反對二人交往……等等，但世榮對此一
一否認。「我o地拍拖七年，要反對都唔係依家o既事，我女友好好，好錫我，係全世
界最好o既女仔，我o地仲諗住宣布明年結婚。」
而在女友出事前世榮曾接受本刊訪問，並表示與 Cynthia 相識是緣份，「緣份呢兩個
字好似好『行』，但真係搵唔到第二個字代替，緣份係講 Feel，緣份亦都係好重要o既。
人與人認識已係一種緣份，茫茫人海中能夠搵到一個投緣o既人，鍾意o既人更加有緣，
所以我一直珍惜我o地o既感情。
「我同女友好夾，可能大家都係獅子座，雖然獅子座性格比較自我固執，外表睇來我o地
會有好多爭拗位，但我o地係無事o既，反而思想好接近，好多時候係盡在不言中，佢重
會俾好多好意外我。可能鍾意佢o既人會覺得特別好，但佢真係好關心我，好細心，本身
又有領導才能，同我一齊好少叫我擔心，我o地一齊係互相﹃食﹄住。」
世榮為女友辦道教喪禮
世榮近日忙於女友 Cynthia 生後事奔馳，與許父為 Cynthia 在殯儀館附近一間道院舉
行法事，還親自為女友揀選棺木，更打算以女友生前最喜愛的香檳式玫瑰佈置靈堂。喪
禮落實以道教形式進行，二十三號設靈，二十四號出殯，遺體下葬於將軍澳華人永遠墳
場。
朱茵：
畀世榮靜下身為阿 Paul 女友的朱茵對於世榮女友逝世也大為傷感，並承認為此不開心。
「我識佢女朋友，好唔開心，不過我冇打俾世榮，阿 Paul 就有打。」朱茵語畢也忍不
住眼紅紅。
家強：佢冇食葯習慣
身為世榮好友的家強也有代友說話，否認世榮女友 Cynthia 有服食葯物習慣：「服食
葯物習慣？梗係無啦，佢咁乖！佢身體差就係o既，又瘦又白，身體好弱。世榮同佢拍
拖年幾後介紹我識，咁佢o地成日一齊，我同佢都幾好傾呀。脾氣？成日鬧世榮？無呀，
咁講阿榮o既脾氣夠犀利啦，我就未見過佢o地鬧交，o的人傳o者，一個人無可能要全世
界人鍾意佢。反對佢o地拍拖？唔會啦，都拍o左成七年，明年都結婚啦。」
「外父」力撐世榮
世榮女友突然離世，外間不少有關二人的報道，其中有指世榮女友 Cynthia 的家人反
對二人交往，許世伯就此事挺身闢謠，表現頗為激動。
許世伯說：「根本無o的咁o既事，有無o個本雜誌o既記者o係度，我唔想接受o個本記者
o既訪問，出殯當日唔歡迎佢o地來採訪。」
Beyond 近期熱門文章
PTT偶像團體區 即時熱門文章
