何國華：對Beyond十分欣賞
文： 音樂小組 攝：陳志輝 26/09/2002
本身是結他高手的資深音樂人何國華，十月二十一日將會聯同一班Band壇好手搞騷，
對於時下樂壇，Peter（何之洋名）最欣賞Beyond，因為他們的歌商業得來又得到Band
友共鳴。至於唱粗口歌的樂隊他視為譁眾取寵，直斥是樂壇歪風。
在六、七十年代和溫拿同期開始夾Band玩結他的Peter，今年已經五十歲，多年來主
力做職業樂手，有三十多年彈結他的經驗，他對自己彈結他的技術信心十足：「雖然
我唔敢話我係香港第一，但好多高難度彈結他o既動作，都冇乜人能及我，整體成績，
其他人應該唔夠我o黎，香港都冇乜咁o既人。」
Peter將於十月二十一日在高山劇場演出一場名為《Jazz Blues Rock Show》的Band騷，
同場演出的皆是香港和外國頂尖職業樂手，他說：「當晚演出o既全部都係實力派，我
o地就算見到『安全地帶』都唔驚。」
這個騷雖然剛剛賣飛數天，但反應熱烈，迅速售出一半門票。除了在五十歲搞騷外，
Peter還聲言要入樂壇爭一席位，問他會否出碟，他說：「我唔會出碟，出碟可以用電
腦整好o的聲，我寧願出VCD，可以原汁原味。」
對Beyond十分欣賞
憑住三十多年彈結他的經驗，Peter一眼就可以看得出彈結他的人是否有真功夫，他更
明言現今樂壇有人彈假o野，不過Peter就對Beyond十分讚賞：「Beyond係最成功o既樂
隊，佢o地搵到錢又有觀眾咁就係贏，佢o的歌商業得o黎好聽，其他Band友有共鳴。」
對於香港的粗口樂隊文化，Peter說：「我好反對粗口樂隊，唔好用粗口去吸引人，
應該技術行先。雖然佢o地o既技術唔高，不過都彈得唔錯，但係我相信只要佢o地Cut晒
o的粗口，冇o野聽，o的觀眾就會走晒。佢o地o個o的音樂會根本就係憤怒聚會，煽動o的
群眾，就係因為佢o地，搞到我o地依家申請高山呢個場地都好難，一定要搵埋保安先可
以批准。」
Peter除了鍾意夾Band之外，原來也是個賽車手，七九和八○年更到過澳門參加賽車，
但Peter說：「自從有個朋友撞車死o左之後，我就唔再鬥車。」說到此事，Peter不期
然露出傷感的表情。
太陽報
Beyond 近期熱門文章
PTT偶像團體區 即時熱門文章
