黃貫中怒斥高官廢柴
SUN娛樂…本地娛樂
反對基本法二十三條立法 黃貫中怒斥高官廢柴
文： 攝：陳冬嵐 26/09/2002
黃貫中十一月舉行演唱會，Beyond成員黃家強與葉世榮也會出席支持。
黃貫中昨日出席演唱會的記者會，言論大膽地抨擊香港政府，立場鮮明反對基本法
第二十三條立法，又直斥一班高官為無能生意人及廢柴，
阿Paul扯火說：「叫佢o地返去做生意啦！唔好搞亂香港！」
黃貫中（Paul）昨日舉行記者會，正式宣布將在十一月五日假紅館舉行的首次個人
演唱會。阿Paul表示他會邀請多個好友出席，Beyond成員黃家強及葉世榮也很大機
會出現。
盡吐市民心聲
阿Paul透露他的演唱會不會大搞煙花等特別效果，他會將錢投資在音響上，說到是
次演唱會主題名為「Play it loud」，原來饒有深意，阿Paul說因為覺得香港人愈
來愈不敢言，因此他強烈呼籲大家有意見便要趁早表達，阿Paul向港府高官連珠炮
發說：「我驚依家唔講，可能遲o的會俾人拉去坐監！我強烈反對基本法第二十三條
立法，令我好憤怒同好冇癮，對我o地創作有好大衝擊，o個班無能o既生意友返去做
生意啦！唔好搞亂香港，香港人其實好叻，唔係靠o個班腦滿腸肥條頸起晒褶o既生意
人。
仲話乜o野『經一事長一智』，人o地冇飯食喇！真係睇到火都o黎埋！香港人本來好
叻逆境求存，可惜有班廢柴亂咁o翁，又話張檯太多文件睇唔到。」
不過阿Paul卻又表示多得這班人令他靈感如泉湧，加速他完成將於十一月推出的新碟。
由於此碟內容阿Paul將毫不留情盡吐市民心聲，問他會否擔心唱片被禁，阿Paul說：
「唔怕，如果要禁好多o野好似電影都驚！不過最乞兒都係自我審查，我敢講有班擦鞋
仔充斥香港。可能到時o的傳媒會對我有偏見，唔Plug我o的歌。」
太陽報
Beyond 近期熱門文章
PTT偶像團體區 即時熱門文章
