香港報紙～家強專訪(2)

看板Beyond作者Cing. (期待羅馬對皇馬...^_____^)時間23年前 (2002/09/17 13:38)推噓0(0推 0噓 0→)

留言0則, 0人參與討論串1/1

當被問到感情生活,家強抵死地扯開話題說:[我同屋企人感情好好,日日都係Family Day,我會盡量抽時間返屋企食飯,因為父母年紀大,有時間就要好好陪佢o地.] 經過一番追問後,一直甚少將愛情掛在口邊的家強說:[暫時冇,散o左好耐o剌!依家唔會強求 ,遇到就遇,感情o既o野好複雜,順其自然啦!] 提到好兄弟阿paul與朱茵十分恩愛,家強說:[好羡慕o架!不過都唔會恨o既,如果恨就慘o剌! 總之覺得佢o地好幸褔,好開心o羅!(有冇諗過o係圈中搵個好似朱茵咁好o既女友呀?)唔會畀自己太大壓力,你估實得o架!唔得咁點呀!邊有咁易o丫!朱小姐條件咁高,唔易追o架!]家強怕成為狗仔隊追訪目標,故盡量不會在圈中找女友. 提起當年與甄楚倩一段緋聞,家強爽快地說:[朋友o羅!我o地成日一大班朋友出o黎玩,咁o岩唔係影到佢就影到我,大家屈我好易o者!唔好誤會呀!(以前有傳你係BB經手人o咼?)咁好,我都想有BB,真係唔關我事,點可能呀!我都唔鐘意佢,大家只係朋友關係.]家強再三強調:[我o 地完全冇鐘意過大家,只係好朋友.(有冇聯絡?)間中都有.] 對於暫別樂壇兩年半的家強來說,現今的樂壇與以前沒有太大分別,只是歌手的年齡愈來愈年輕化,他說:[我覺得唔係唔好,有老有嫩o麻!如果唔係會對消費者唔公平,因為冇得揀.]屬於創作型歌手的家強,固然較欣賞同類型歌手,他說:[周杰倫,盧巧音,陳綺貞同陳奕迅我都好欣賞,當然都欣賞兩位好兄弟阿paul同世榮啦!] 提到糖衣歌手充斥樂壇,家強無奈地說:[正常o既,冇所謂啦!好多地下歌手本身好有實力,唱得又作得,因為佢o地唔靚仔o羅!依家好多歌手淨係唱人o地寫畀佢o既歌,根本就唱唔出個 feel.] 後記: 黃家強原來相當為食,記得在他休息的兩年半裏,曾被傳媒拍下照片,見他相當肥胖.當記者與家強做專訪當日,他已消瘦不少,一問之下,原來家強當時有142磅,但現時只得128磅.他說 :[我一向好鐘意食o野o架!之後惟有戒消夜,唔食零食同食少o的減肥o羅!] 資料來源:http://tw.club.yahoo.com/clubs/beyondsky/ vicki fans