香港報紙～家強專訪(1)
自從2000年完成Beyond演唱會後,Beyond三子家強,paul及世榮便嘗試作個別發展,雖然阿
paul與世榮於這段時間已先後推出個人唱片,但家強卻未見動靜.直至近日家強才證實已
簽約環球唱片公司,並於下月推出個人唱片,更有意重組Beyond,現正積極籌備將於明年舉
行的Beyond二十周年演唱會.
回想起beyond年代,家強表示最難忘是第一次去台灣工作,他說:[當時我o地仲未出唱片,有
人邀請我o地去玩流行音樂會,而且反應好好,搞手仲叫我o地玩多晚,真係好興奮o架!加上
我o地又唔識講國語,去到真係亂咁講,o個陣時仲係我二十幾歲人第一次搭飛機添!]提起往
事,家強便想起當年哥哥家駒不幸去世,家強說:[真係好傷心,可能o個陣太倚賴佢,真係好
唔慣,少o左好多安全感,好似冇o左個人照顧自己咁,所以就算死o左十年,我依家都會成日
發夢見到佢,有時諗諗o下!同聽番佢o的歌,都會喊!]
家強坦言出道至今從未好好休息,故便趁這段時間放低工作,周遊列國,享受一番,他說:[
當時生活好普通,陪狗玩,睇書聽歌等....]一年後,家強便開始為首張個人唱片落筆創作,
他說:[我好想離開Beyondo個種感覺,但係都幾難,跟住就寫o左o的冇咁商業o既歌,後來知
道出面o的人唔係咁接受,所以又開始寫番Melody歌,隻碟原本打算做四個月時間,點知斷斷
續續搞o左九個月o剌!]
待續.....
資料來源:http://tw.club.yahoo.com/clubs/beyondsky/ vicki fans
Beyond 近期熱門文章
PTT偶像團體區 即時熱門文章
