朱茵阿Paul祝酒預演甜蜜婚宴
SUN娛樂…本地娛樂
愛情結晶面世拖手亮相
朱茵阿Paul祝酒預演甜蜜婚宴
文： 黃麗君 攝︰倪立煌 18/07/2002
朱茵為慶祝新唱片《跳起來》今日面世及個人製作公司成立，昨日特別從上海
趕返香港出席發布會，男友兼監製的黃貫中亦出席捧場，兩人在台上互相祝酒
及合照，場面恍似婚宴般溫馨甜蜜。
為慶祝個人製作公司「Lark Production Ltd」正式成立，及宣布最新唱片《跳起來》
今日面世，朱茵昨晨特別從上海趕返香港，出席新碟發布會。唱片公司高層、經理人
及各大電台代表等均出席支持，連男友兼唱片監製黃貫中（Paul）亦到來捧場，場面
熱鬧。
一身低胸長裙打扮的朱茵在姐姐Viola陪同下出場，其間一直甜絲絲地望尠台下的
阿Paul，當眾人到台上互相祝酒時，阿茵更忍不住叫阿Paul一同上台，兩人在台上
互相祝酒及合照，場面恍似婚宴，甜蜜溫馨。
對於阿Paul到場，阿茵坦言非常感動，她說︰「佢一早仲去接我機，好開心佢今日黎
支持我。（頭先眼泛淚光？）少少啦！真係好感動，可以得到咁多人支持同認同。」
阿茵更揚言新唱片是她與阿Paul的結晶品，她說︰「佢係我一支好大既強心針，佢真
係好好。（甜唔甜呀？）好甜。」
阿Paul大讚女友冇得頂
談到阿茵的表現，阿Paul大讚︰「冇得頂！（有冇流鼻血？）日日都流，流到貧血啦！
（唔介意女友咁性感？）唔介意，唔通唔帶佢出街，游水又用布笠住佢咩！」
另外，說到有報道稱朱茵報大唱片製作費，朱茵說︰「如果二十萬真係可以做到咁既
質素，我恭喜佢囉！唔需要理人點講，我覺得值呀！」
穿尠低胸長裙的朱茵，連男友阿Paul亦笑言看到流鼻血。
Beyond 近期熱門文章
PTT偶像團體區 即時熱門文章
