[新聞] 黃貫中預告騷：唔搵家強世榮

看板Beyond作者wingcheung (Angus Cheng Wing Cheung)時間12年前 (2012/06/15 23:28)推噓0(0推 0噓 0→)

留言0則, 0人參與討論串1/1

7月13至14日，我喺紅館舉行《黃貫中Paul Wong Rockestra演唱會2012》，到時我、樂隊 Postman、仲有20幾位玩唔同樂器嘅音樂人組成「怒响樂團」，將搖滾同古典音樂 crossover，香港人可能會覺得呢種另類配搭好怪雞，但其實喺外國一早流行，記得早幾年我喺個騷度，將古典音樂混合結他去彈《金屬狂人》，簡直令我興奮到有高潮嘅感覺。朱茵將會做台下的女人，黃貫中預了會被搶鏡。習慣被搶風頭相信好多傳媒問我到時有6個月肚嘅朱茵會坐喺邊，我真係未定囉，不過我就知如果佢一出嚟，全部記者都走去狂影佢，我就算喺台上除剩條底褲，啲記者都一定唔會理我。咁又冇話介唔介意畀朱茵搶風頭嘅，佢一生出嚟就係搶我風頭o架啦，我都慣咗。咁Beyond成員黃家強、葉世榮會唔會嚟做嘉賓？我可以講畀大家聽，係唔會，因為實在太冇驚喜。講開嘉賓嘅問題，我真係有諗過要請咩人嚟，大家知啦，我呢啲人冇朋友，只有敵人，就算諗到原來仲有幾位friend，又擔心請咗阿A，阿B又會嬲，既然係咁，我家陣就公開「徵賓」，有邊個想嚟玩就自薦，只要佢唱得又精於各種樂器，唔怕同我鬥彈鬥到手都斷埋，就可以嚟搵我傾傾，大家一齊玩吓。兼任音樂總監呢次演唱會對我好大挑戰性，因為時間唔係好充裕，要同20幾位唔係夾開嘅樂手一齊表演，我仲係一夫當關，兼任埋音樂總監，要將所有樂譜重新編排，真係諗起都頭痛，好在仲有位音樂人創作人伍卓賢嚟幫我。（完）後記身為基督教徒的朱茵，因未婚懷孕而被指犯戒，Paul維護大肚女友免受負面報道影響，不惜多次和傳媒開火，惹來他患產前躁狂症揣測。Paul理直氣壯說：「我唔係有病，係個人直啫，如果咁都保護唔到自己嘅女人，咁點配做女人背後嘅男人呀！」Paul真勁，如此肉麻的說話都講得出口，你贏。 -- ※ 發信站: 批踢踢實業坊(ptt.cc) ◆ From: 1.170.179.153