忽然一周＜留言集 - Beyond 死未？＞

看板Beyond作者lings. (《BeyOnd誰伴我闖蕩》)時間22年前 (2003/04/26 23:29)推噓0(0推 0噓 0→)

留言0則, 0人參與討論串1/1

Beyond 死未？唔到我唔化阿 Paul 說起話來，依然滔滔不絕，但語氣中已少了昔日的憤世嫉俗，畢竟已經三十九歲人，有些事，唔到你唔化。「我個人好暴躁，所以不斷要性格分裂出另一個阿 Paul 提醒自己凡事要睇化，唔化實同人打交。正如上個禮拜，有人車攔腰差撞死我，比以前我一定落車同佢嘈，男人面子攸關，『咩呀，咩呀』就會郁手打交。但日我正準備做宣傳，我就忍忍忍，數五聲先，一二三四五，之後攪低玻璃窗，只係講句：『小心車啦！』算啦，嘈乜鬼呀，同佢嘈咪即係教精佢，下下咁上心辛苦咪又係自己。」春風滿面的阿 Paul ，二十年後，終於學懂了生存之道。「呢個世界有太多狐狸、老虎喇（咁你係乜？）我係一隻北極熊，行遠少少，唔同你班非洲動物爭，北極又靚又乾淨 … … 」愛情的魔力，死未？黃家強可能係家駒轉世世榮與阿 Paul ，從未習慣失去家駒，更何況親細佬家強。有時候太想念一個人，身邊的許多事，都會變成難以置信的偶然。「人話一個人死之後第三年或者第七年，都會去投胎。就家駒死之後七年，我妹妹咁家駒出事個月生個仔，個 BB 一出世時腦裡面有一舊血塊，同家駒出事時傷患好相似，情況好危險。但妹妹當時唔敢話畀屋企人知，怕我擔心。唔知點解， BB 大大下舊血塊就好神奇咁冇，而家已經三歲。我成日都『形』住，佢可能係家駒轉世 … … 」沒有了哥哥的日子，家強學識了獨立，就連世榮與阿 Paul 也說，家強近年成熟了，不再依賴，言談舉止，還真的跟家駒很相似，尤其是對音樂的控訴。「做音樂真係一條不歸路，以前好無知，以為玩幾年商業歌，就可以唱番自己鍾意 underground music （地下音樂），原來係唔得。「家駒堅持，例如宣揚世界和平、人權、關懷第三世界，我從來都冇放棄過。但而家卡拉 ok 泛濫，人唱到歌先叫紅先叫好，點解你唱唔到歌就係唔好？ Beyond 一直想做理想音樂，原來真係好難 … … 」家駒逝世，家強獲得一筆保險賠償金，但他強調，數目並不多，不足以令他打跛腳唔使做。躊躇滿志 Beyond 昔日的光輝歲月，相信樂迷不會忘記。二十年了，世榮變得堅強，阿 Paul 少了憤怒，但家強呢？儘管他對音樂的控訴依然沒完沒了，但他是唯一一個躊躇滿志的。「我細個有個心願，就係做廚師，我好鍾意食雞，我希望將來開一間專門賣雞餐廳，乜雞款都有得食。食雞好嘛，人唔會抗拒，牛肉好多人唔食，豬肉又唔夠名貴 … … 」 Beyond 的家強將來的目標是開食肆，聽落是不是有點匪夷所思？三種心情一種理論三個男人，三種心情。對人生大事如是，對吃喝玩樂也如是。叫他們各自揀一種自己喜愛的酒，家強選了荔枝酒，味道清香又易入口，感覺好正。世榮選了紅酒，愈舊愈有味，像他。阿 Paul 則選蘇格蘭威士忌，性格剛烈，更像他。唯一相同的，是三人都認為，飲酒一定要醉。家強：「飲酒唔醉，飲做乜呀？」阿 Paul ：「咪係，飲到 high high 先至正嘛，重要 enjoy 埋第日 hangover （宿醉）嘔到成都係，嘩 … … 」世榮：「喂，你記唔記得次去日本，我隊成支路易十三，靚酒即係靚酒，第日冇事喎！」議論紛紛，但又出奇合拍。就正如 Beyond 二十年，大家都認為三人應該各懷鬼胎，甚至各散東西，但就是沒有。至少說到飲酒，他們真的很合拍。 ■ 撰文：林蕾　 ■ 攝影：黃大立　 ■ 協力：劉一 http://sw.atnext.com/template/sw/art_main.cfm?art_id=3255112&sec_id=1000863

忽然一周 ＜留 言 集 - Beyond 死 未 ？＞

忽然一周＜留言集 - Beyond 死未？＞