[News] 情詳道：劉德華忘情不說愛

看板AndyLau (劉德華)作者akicos (橘子)時間15年前 (2010/01/10 17:54)推噓0(0推 0噓 0→)

留言0則, 0人參與討論串1/1

情詳道：劉德華忘情不說愛「如何面對，曾一起走過的日子？」劉德華《一起走過的日子》歌詞耳熟能詳，不過他去年與太太朱麗倩執手走過的下半年卻特別難捱，因為兩人的婚書曝光，多年不認的結婚傳聞，終以世紀拖手承認了一切。踏入 2010年，華仔總算走過了他的黑暗時代，口裏說過去由他過去，可是備受千夫所指的同時，也令華仔不禁迷惘：「呢件事上面（指結婚），已經唔係出於關心，點解會有人咁話你，估唔到有啲人會咁睇我。」今後他選擇繼續少說話多做事，只要太太知道他的好便足夠。撰文：胡比去年一個喪禮，揭開了劉德華保守多年的秘密，也令默默跟隨他多年的女朋友朱麗倩被迫高調曝光。因為女方父親的離世，為一盡孝道，華仔陪女友前往馬來西亞奔喪，消息曝光後，華仔選擇拖着朱麗倩回港，以行動落實二人關係，其後被本報踢爆二人於前年 6月在拉斯維加斯註冊結婚，女友早已升呢為妻子，從未承認結婚的華仔隨即成為眾矢之的。性格使然　避談愛妻其後華仔在網誌撰文向歌迷道歉，並承認已婚，更表示一直渴望擁有小孩，之後只公開過一次承認已婚，再被問到太太的事，華仔都三緘其口，默默工作，重過「牛華」生活。踏入 2010年，要華仔對 09年來一個總結，他日前接受本報記者專訪說：「都已經過咗去，唔想再諗，要諗只係想知道去年得到啲乜嘢，但諗吓諗吓又覺得好似冇乜得到過。」被踢爆結婚後，當時的他顯得很憔悴，到底華仔當時內心有甚麼感受，是否感到很困擾？華仔坦言：「當時嘅心情，我自己去感受就夠，唔需要去講，我知有人會好擔心我，我可以同大家講我 OK，困唔困擾都過咗去，唔想將呢段心情同大家分享，自己心裏知道件事係乜嘢就得。」可有一刻感覺寃屈？他說：「曾經有段時間我問自己，我以前係點對人，人哋又點對我呢？究竟對人應該要用乜嘢態度呢？呢件事上面（指結婚），已經唔係出於關心，點解會有人咁話你，估唔到有啲人會咁睇我，只可以話件事發生後，其實係透過大家更認清自己，令我更了解自己，都係好正面嘅。」其實華仔與朱麗倩拍拖多年，早已是圈中公開的秘密，只是華仔從未承認，就算現在已經結婚，被問起太太，他都不欲多談。婚書曝光後，朱麗倩對華仔來說是否仍是一個禁忌？他苦思良久後說：「點講好呢？應該係話，我嘅生活本來就有好多人都好清楚，以前係點生活，我家仍然係咁生活，人哋接受唔接受，我冇辦法，我一向都唔提（朱麗倩），往後嘅日子都唔會提，唔係我要隱瞞，呢個係我性格。」經歷過後，華仔是否更加保護自己？他說：「唔係話要保護自己，係因為我未來嘅生活同以前生活都係一樣，一向對於私人問題，我都係嘻嘻笑住帶過，我會同朋友、歌迷分享我嘅生活，佢哋知道就得。」入行多年的華仔，遇過無數難題，這次事件又是否他入行以來最棘手的事？他卻說：「我都唔知，我冇諗過要點處理，如果要諗點處理，只會成為我生命嘅絆腳石，我只會諗我嘅生活，條路要點行，我冇處理過，只係面對，我冇諗辦法處理件事，只係覺得件事會完，就順其自然畀件事過去。」對於渴望擁有小朋友一事，華仔選擇守口如瓶，保留私隱。兩年三戲　陪伴家人華仔出名勤力如牛，所以得到「牛華」稱號，勤力之外他還出名孝順，因為華仔父親早年曾動過大手術，令他更珍惜與家人相聚的時間，所以牛華決定嘗試不再牛華，兩年只接三部戲，爭取更多時間陪家人，也希望提高自己電影的質素。那他可曾想過退出幕前或索性退休？華仔坦言：「冇諗過要退休喎，都冇諗過唔做幕前，最多都係接少啲戲，保證到質素。」華仔依然抱着永不言休的宗旨，牛華始終都係牛華。王晶：香港都可拍科幻片劉德華一直與王晶合作無間，各類型片種也試過，不過兩人對上一次合作已是 99年《賭俠大戰拉斯維加斯》，今次兩人再次攜手拍攝新片《未來警察》，電影將於下月 25日上映。這次驅使兩人再度合作，全因一個信念：香港人都可以拍出科幻電影。王晶說：「科幻題材一向都畀人抱唔樂觀嘅態度，但係我就一直都唔放棄，好想拍呢類片種，我覺得今次呢部戲都幾唔王晶，有別於以往我拍嘅搞笑片。」正在上映的《阿凡達》（ Avatar）剛巧又是科幻特技片，難免會被人比較，王晶說：「唔可以咁比，要睇吓大家要求係乜嘢水平，好似起樓咁，我起 5層嘅樓都唔同起 16層，大家做法唔同。以前做電腦特技，好多都係借位，好假，但今次係要啲演員去配合啲特技，套戲都唔全部用晒特技，咁樣唔 work，實死，所以特技只係佔 40%，其餘都係現實，有啲特技仲做到唔覺係係特技。」華仔怕特技穿崩王晶指這套戲「唔係幾王晶」，華仔反問：「點樣唔係幾王晶先，我同佢合作過咁多戲，有好多都唔係搞笑，我唔會咁睇囉，我覺得如果唔好笑同唔開心，做乜嘢要睇王晶先？呢個係商業社會，有佢呢啲導演係好正常。」華仔表示此片是誠意之作，但要看觀眾能否接受，他說：「其實都有壓力 o架，始終科幻題材嘅戲都係比較踩鋼線，但壓力唔係來自票房，票房係好睇個市場，仲有發行同運氣，最有壓力係怕會唔會俾人笑啲特技假囉。基本上故事同演員都冇問題，我自己就覺得唔失禮，但結果都係要睇觀眾囉。」對於撞正屬同片種的《阿凡達》，華仔坦言：「都冇計，而且真係冇得咁比較，人哋同我哋製作費差咁多，我哋只係盡量做到能力範量做到嘅嘢。」 http://ppt.cc/rfei 圖:被喻為像牛般堅毅勤力的劉德華，卻不願剖白自己的感情世界。 http://ppt.cc/2v2O 圖:華仔性情比較內斂，就算如何關心妻子，愛這個字也不易說出口。資料圖片 http://ppt.cc/1lhu 圖:被踢爆跟朱麗倩結婚，令華仔信譽備受質疑，他希望時間能證明一切。資料圖片 http://ppt.cc/bUA4 圖:劉德華侍雙親至孝，他表示會多抽時間陪伴他們。資料圖片 http://ppt.cc/cdG6 圖:王晶（右）跟華仔這對老拍檔在電影圈合作無間，這趟故劍重逢。《未來警察》上映日期： 2月25日 2010/01/10 香港蘋果日報 -- ※ 發信站: 批踢踢實業坊(ptt.cc) ◆ From: 203.73.23.98