[專訪]華逆格戀

看板AndyLau (劉德華)作者fandy.時間20年前 (2005/10/18 21:19)推噓0(0推 0噓 0→)

留言0則, 0人參與討論串1/1

東Touch A34 東Touch 2005-10-18 華逆格戀經常聽人講，愛情是盲目的，無分背景、工作、年齡等，只要是互愛對方，就會衝破以上所有障礙。因為一套電影《再說一次我愛你》，40多歲的劉德華要跟20多歲的阿Sa合演一對夫妻，相差廿年，是一段不折不扣的忘年戀，不過故事中的男女主角，要克服的不是年齡的障礙，而是上天無情的安排︰死亡。說是一段忘年戀，倒不如說是一段生死戀，而且是一段跨越二人，成為四角的生死戀。純愛愛情片一向是電影的主流，不過近年環境轉變，甚少人會投資開拍純愛情的電影，再一次做電影老闆的劉德華，便看中這個機會，推出一部只談愛情的電影，一了自己心願。華︰「實在有一段時間未出現過一部純愛情的電影，新一代導演不願多拍愛情片，因為票房冇保證，所以就算開戲都會選擇笑片或者動作片。其實愛情主題應該任何時候都拍得，我好希望經過呢部戲之後，愛情片可以再次成為主導。」 Sa︰「我都鍾意睇愛情片，好似有套西片，我唔記得片名，不過係講一個已婚男人，愛上一個女人，但這個女人不甘於做二奶，千方百計要搶回屬於自己的東西，此片在全美國上畫時令不少男士睇到心寒，亦體會到愛情的力量原來可以這麼大。」華︰「要揀最鍾意的愛情片應該係《Talk to her》、《Before Sunset》、《Before Sunrise》那幾部。這些電影給予你一種特別的感覺，就好似食完飯想嘆杯茶抖抖一樣。大家鍾意睇周星馳，因為睇完可以有不少茶餘飯的話題，但同樣都想睇一部感動的《Talk to her》，電影不單止是一個話題，更加是自己跟自己的一種分享。生命中可能有好多好濃烈的遭遇，但偶爾有杯茶清一清腸胃都是一件好事。」 Sa︰「拍完《再》，我都學懂要珍惜身邊人。細個時我跟爺爺同住，由於他年輕時開船廠的，所以份人巴巴閉閉，甚麼都要認叻，當時我覺得好煩好討厭。不過這位爺爺好鍚我，我好憎他在家中抽煙，於是貼張『No Smoking』出來，結果他真的戒煙。近年他有老人癡呆症，雖然末算好嚴重，但有時會連我個名都忘記。最近見他，他好開心地講︰『喂！卓妍，幾廿年冇見，你好嗎？』聽落好笑，但其實是心酸的，如果畀我再揀，我當年一定會靜靜地聽他說話，不會駁嘴。」華︰「其實要演愛情片演得好，最緊要多看愛情小說，每個年代的愛情小說都有睇，瓊瑤、亦舒，我都看，可算是瘋狂迷上。現在我都想睇，不過現時的愛情小說，模式比較單一，經常都是辦公室內的愛情事，好似本本都是《孤男寡女》，較少新意。甚至近年的張小嫻，都好似少了初時那種獨特風格和情懷。」 Sa︰「細個我鍾意睇梁望峰，長大後不太鍾意了，如果要看，我會推介 Alain de Botton寫的《愛上浪漫》，書中所講的都是一段段好平凡的愛情關係，但作者寫得好好笑，亦能透視到男女間的心底，分析得好仔細。人大了，童話式的戀愛已經騙不到我了。」差距要阿Sa跟劉德華合演一對夫妻，大家心中都會有個疑問，襯咩？襯唔襯？直接問當事人會比較好。華︰「要跟阿Sa演一對夫婦，的確有些少壓力，在我立場看，站在阿Sa 隔籬我當然不覺得有甚麼問題啦，但我好肯定某些觀眾見到這個組合，會覺得我們的年紀有段差距，不太合襯。其實現實生活中，有好多太太的年齡都跟丈夫相差好遠，所以重點是怎樣去演出一份相愛的感覺，說服到入場的觀眾。至於現實中的我，並不介意年齡上的差距，只要對方行為成熟，性格上又夾到的，年齡這個問題不用考慮。」 Sa︰「我都冇諗過會同華仔演兩公婆，以前睇《天若有情》的吳倩蓮，冇想過有一日我會變成這個女主角，能夠做到劉德華的老婆，都幾幸福，哈哈……」華︰「咁畀面？」 Sa︰「係鮁！今次我演太太都演得相當稱職，一來華仔個樣keep得幾好，二來我已經不是第一次做人老婆，況且無論是一對情侶，還是兩公婆，走在一起時都會變成小朋友般，這樣才sweet嘛，所以年齡的差距絕不是今次角色要克服的事。要克服的，反而是跟華仔合作的緊張，就算剛才跟他影封面相，我都會有種歌迷同偶像合照的感覺，極不自然。就算拍戲時，他用盡方法去令我表現自然些，但我承認今次的演出，的確比平時拘謹不少。除了其中一幕親熱戲，這場激吻算是入行以來最激一次，大家要留意。」華︰「好多人話愛情片比較婆媽，不好看，其實大家覺得婆媽無可能發生的事，分分鐘是真有其事，只是未發生吧。如果我幾年前同大家講會寫一個關於賢仔（早前被斬傷的7歲兒童）的故事，寫他受傷後得到各界關注，很多人自動捐錢及主動送禮物給他，你睇完可能都會笑我婆媽，怎會有可能發生？但結果統統發生了，原來生命就是這麼婆媽。電影是否婆媽？我不介意，我反而注重電影中究竟想帶出一個甚麼的message 畀大家。」 Sa︰「我都不怕婆媽的，無錯，有些韓片的橋段可能會老套些，好多人都會拍過，但他們拍得好好，講古仔的手法好特別，能夠捉得住觀眾的情緒起伏，韓片的水準其實愈來愈高。」 10月都係拜年時！俗語有云︰「有心唔怕遲，10月都係拜年時！」講就咁講，不過就未見過有人咁做。來到今年10月，終於真係有人創先河，只係這個年拜得有點傷感。因為戲中講到Charlie雖然獲心臟移植，但迸發症令她有生命危險，只剩下幾個月命的她，為珍惜相處時間，二人決定在僅餘的日子歡度全年所有節日，所以我們會見到兩位10月就覑晒唐裝、擺定桃花、入埋利是等人鈬拜年。做晒準備功夫，布置晒屋企，但失驚無神又點會有人上門拜年呢？都係白等多。驚喜到，由於Charlie一直想向心臟捐贈者的父母親口道謝，所以華仔四出打聽下，終於搵到阿Sa的父母，並安排他們以拜年裝束到場。過完年，一跳就跳到去過中秋，在窗上貼一張剪成圓型狀的黃色紙就扮月圓，好戇居呵？原來呢個真係華仔多年來過中秋的方法。冇№！即刻收聲。大熱天時，去邊度搵桃花？惟有DIY，用棉花同廁紙摔埋一口舊，黐在花枝上，並塗上粉紅色，如果此舉成為潮流的話，花農一定唔得你死。華sir開課同劉德華合作過的人，除讚對方夠專業，仲話佢好肯教人，大家睇瑶影封面相同拍戲的花絮，就會一清二楚。a 影相其間，華仔見有塊木板墊腳，技養下跳番part踢躂舞，仲邊跳邊教阿Sa。為畄令阿Sa個動作更自然，華sir又落手教授喇。唔知由幾時開始，跳舞變成華仔的強項，戲中有幕跳舞戲，雖然有導師在場，但華sir亦主動做助教幫手。 -- ▎◣˙◢◣˙◢▉ 情報員標號:59-120-213-75.HINET-IP.hinet.ne ▉├┼┤ ▉ ◤ ▎◥ ◤▉ 隸屬★單位:中央情報局 (bbs.e-cia.net) ▉╰┼情局▉ ◣