[新聞] 【鄭嘉穎嚇親人】步驚雲重出江湖 郭富城：有好多造型咩？
【鄭嘉穎嚇親人】步驚雲重出江湖 郭富城：有好多造型咩？
20170319 香港蘋果日報
http://i.imgur.com/mUgkqST.jpg
一講起聶風同步驚雲兩個咁經典嘅港漫角色，腦海好自然會諗起鄭伊健同郭富城。不過經
歷過噚日之後，伊健同城城地位受到挑戰，事關謝天華同鄭嘉穎嚟緊有套《風雲5D》音樂
劇，分別演聶風同步驚雲，噚日兩人以新造型亮相大台節目《博愛歡樂傳萬家》，毫無美
感嘅打扮真係笑死唔少觀眾。
「初代步驚雲」郭富城今日喺珠海國際賽車場舉行「郭富城創立車隊品牌」發佈會，以車
隊經理身份將帶領「富盛車隊」出戰極速先鋒系列賽。對於「步驚雲」重出江湖，城城又
點睇鄭嘉穎嘅新造型呢？佢話：「步驚雲有好多造型咩？我冇留意，不過祝佢哋嘅舞台劇
演出成功。」
講番車隊，城城表示一直好想成立車隊，今次投資好大，未有透露花費，但佢話為車隊搵
咗一個有潛質嘅法國車手Olivier Lombard，選拔車手有咩條件？城城話：「呢個法國車
手好浪漫，吸引到女車迷，佢好有潛質，靚仔，揸車又快。」咁城城有冇機會出賽？佢話
：「我會以工作行先，我係車隊老闆，會賦予精神同力量畀車隊，我都想落場，作為老闆
，落場出賽可以提升賽車技術，不過我未有機會試新車種LMP3，首場賽事5月舉行，我希
望可以喺5月初試到車。」
講到林志穎（小志）亦有車隊「平坐車隊」，屆時亦有機會同場較量，城城話：「好期待
，我同小志一齊拍《我們十七歲》而成為好朋友，我知佢好熱愛賽車運動，而我知自己技
術唔夠佢好，所以我會向佢請教，唔知小志用咩車手呢，我會傳短訊畀佢，叫佢揸慢啲。
」
城城咁鍾意賽車，媽咪同女友方媛會唔會好擔心？城城話：「跑道比較安全，永遠唔會有
對頭車，唔會有人醉駕，做足安全措施，又有專人指示，比馬路安全。」如果出賽，女友
會唔會到場打氣？佢話：「我都希望會，始終係車隊第一次出賽，但我未知幾時落場。」
提到「富盛車隊」嘅「盛」有開枝散葉意思，城城就話：「呢個『盛』字係我爸爸間金行
個名嘅其中一個字，係紀念爸爸，有種傳承之意，希望培育年青車手，咁個人開枝散葉都
好重要，plan緊。」
新聞來源:
https://goo.gl/pA71PL
--
※ 發信站: 批踢踢實業坊(ptt.cc), 來自: 36.228.14.62
※ 文章網址: https://www.ptt.cc/bbs/AaronKwok/M.1489918561.A.B07.html
※ 編輯: missjulie (36.228.14.62), 03/19/2017 18:16:52
AaronKwok 近期熱門文章
PTT偶像團體區 即時熱門文章
