[影音] 放不低 城城全程用望遠鏡睇娜姐…
【沙圈睇馬？】放不低 城城全程用望遠鏡睇娜姐…唔攰咩？
建立時間 (HKT): 0220 23:47
郭富城今晚有去到澳門睇娜姐演唱會，記者見到佢全程好認真專注，又冇放低過望遠鏡，
唔通佢以為自己喺沙圈睇緊自己隻「愛的呼喚」？在場其他藝人，好似陳奕迅、劉嘉玲，
就一路睇一路跳舞，睇得不知幾咁投入！
影音: http://goo.gl/JsdBRz
-------------------------------------------------------------
【群星潮拜娜姐】城城坐直升機過大海
建立時間 (HKT): 0220 18:16
節錄:
一身黑色皮褸嘅城城，約5點25分由經理人小美陪同下，去到順德中心，準備坐直升機去
澳門，問佢係唔係鍾意咗Madonna好耐?城城笑笑口稱：「係呀!鍾意咗好耐。」咁鍾意
Madonna邊首歌，佢就話：「隻隻都好!」問佢係唔係好欣賞Madonna，城城以「嗯」一聲
表示欣賞。
---------------------------------------------------------------
【用自己方法過大海】城城開咪話俾麥當娜知：坐直升機來看妳表演
建立時間 (HKT): 0220 20:00
娜姐18號喺香港開完演唱會之後，今日就去到澳門新濠影匯綜藝館開騷，大批fans一早已
經排緊隊，仲有fans悉心打扮成日本公仔到場支持o添，現場保安人員手上有金屬探測器
，入場前要check bag，又規定相機鏡頭不得超過三吋，保安十分嚴謹。
大會安排兩位模特兒以娜姐演唱會其中一個造型同嘉賓合照，而今日喺香港出席完活動嘅
魔術師Cyril都有到場，仲同兩個麥當娜model自拍，任達華同老婆琦琦就以花花情侶裝到
場。
香港有藝人都post相上社交網站話好期待今晚嘅演唱會，各人用自己嘅方式過大海，郭富
城仲喺微博話﹕「老孫坐直升機來澳門看妳表演」，好威威呀！阿sa就坐船﹕「去澳門看
麥當娜，興奮緊張ing~」
---------------------------------------------------------------
【王者駕臨】千嬅想聞娜姐隻腳？城城想偷師用落自己演唱會
建立時間 (HKT): 0220 22:32
陸續有嘉賓到達埸館，向麥當娜朝聖嘅楊千嬅都係其中之一，入場前千嬅先同兩個model
合照，可能對方太高，影完相後千嬅笑自己似十足哈比人。之前都睇過娜姐演唱會嘅千嬅
話，最癲嘅時候，去過米蘭同日本睇，今次都好期待，娜姐絕對係Queen，自己都俾佢影
響咗好多。佢話自己喺電影入面都扮過佢嘅造型，自己做演唱會都會參考佢，因為佢令我
好有能量，自爆希望企企喺聞到佢對腳嘅距離，但唔知老丁子高分咗佢去咩位置。
舞台王者郭富城亦都現身麥當娜澳門站場館，記者話城城同娜姐都係舞台王者，佢立即謙
虛地話﹕「唔可以咁講，自己出道一路聽佢嘅音樂同演唱會，俾咗好多靈感我哋呢啲喜歡
音樂同舞台嘅人，一陣都想偷吓師。」點解唔帶女友嚟睇？城城即刻話﹕「呢啲唔回應啦
。」又話自己即將為八月嘅演唱會開會，睇吓今晚有咩可以參考。
http://i.imgur.com/LbjsGoA.jpg
資料來源:
http://goo.gl/AlNYCS
http://goo.gl/rKs2Fc
http://goo.gl/DP5JQx
--
☆☆☆ 天多高 捉不到 挽手走天涯 我照做 ☆☆☆
★★★ 風不息 風低訴 最好的歌兒一起哼到老 ★★★
☆☆☆ Twinkle Twinkle Little Star ☆☆☆
★★★ How I wonder what you are... ★★★
--
※ 發信站: 批踢踢實業坊(ptt.cc), 來自: 111.241.98.159
※ 文章網址: https://www.ptt.cc/bbs/AaronKwok/M.1455990068.A.E7A.html
AaronKwok 近期熱門文章
PTT偶像團體區 即時熱門文章
