[影音] 【add】紅人主場：郭富城鐵人25年

看板AaronKwok (郭富城)作者julie1026 (Julie)時間9年前 (2015/04/02 01:22)推噓0(0推 0噓 0→)

留言0則, 0人參與討論串1/1

【add】紅人主場：郭富城鐵人25年 2015年03月26日郭富城出名勤力，今年入行25年，粗略計算，開了超過230場演唱會、拍過50部電影，不是鐵人28，而是鐵人25年。數字只是一個紀錄，一片一場的完成才是真實。捱得的郭富城，剛趕完「入行以來最辛苦嘅電影」，每日特效化妝七小時，消瘦了一個碼，未唞完，又到馬來西亞開個唱，未完成的事還多着，「每個歲數都可以是黃金時代。」辛苦？誰怕誰！撰文：林妙萍攝影：郭賢興郭富城受訪這期間，在內地趕拍《西遊記之孫悟空三打白骨精》，這天他坐幾小時飛機、火車回港，出席代言的浪琴錶馬術比賽，坐下吃飯一小時後，連環做訪問，再即日返回內地拍片。做美猴王死裏逃生人前永遠精神百倍，精靈反應快的城城，少有地呻了兩句辛苦，藝人背後辛酸不少，紅褲子捱到上巨星級，更加絕少抱怨，證明也真的辛苦到極點，「呢次美猴王角色，化妝時間好長，仲有特製戲服要着，點講呢，就係大家着羽絨褸，我就成頭大汗，但汗水永遠流唔出假皮之外，又要着肌肉衣連場打鬥，真係超越人類極限。」特技化妝要全身黐毛，時間一長，皮膚又痕又痛，起水泡、脫皮，城城說：「上妝好辛苦，啱啱開始時，每次要上七個鐘頭，上妝後，係完全唔能夠食嘢，其實都唔係好想食，所以體重係跌咗啲，冇計。」他坦言是入行以來最辛苦的電影，但身心得着更多，「最大得着係自我體能同意志嘅考驗，覺得一切都提高咗，唔係筆墨所能形容。」城城續說：「煞科嗰日拍咗24小時，絕對挑戰人體極限，我拍完落妝除低肌肉衣，人都完全虛脫，攰到好似完成一次死裏逃生嘅旅程。」明星放下形象，需要勇氣。金馬影帝、大小傑出演員、影星獎狀，50套電影的洗煉，據城城所講，《三岔口》令他真正開竅，《父子》啟迪了他對演員的層次，演過正氣凜然的紀律部隊、爛賭父親、近兩三年的神魔電影，「神魔電影拍了兩次，都差唔多，唔會拍太多，希望去試吓其他挑戰。我鍾意演戲，角色只有好角色同冇發揮嘅角色，最重要角色有重量同質感，我平時係好理性嘅人，但作為一個演員，係愛幻想嘅。」同積遜家族有緣份歌、影、慈善「三項鐵人」壓力大，城城則謂「做個SPA、跑個步、出一身汗」已經紓壓；「現時主要做演唱會，新歌最快要到2016年。」城城近年工作重心放在電影，日前和米高積遜（Michael Jackson）三哥Jermaine Jackson見面，盛傳會有唱片合作大計。「好開心，同Jackson family好似好有緣。我鍾意Michael Jackson，所有歌都鍾意，特別係《Thriller》、《Beat it》、《Billie Jean》，又同Janet Jackson合唱過、拍過廣告，最近又碰到Jermaine，真係好似好有緣。」對黃金剩男冇感覺 49歲、未婚單身，城城被內地傳媒封為「黃金剩男」，「呢啲只係媒體起嘅稱號，我自己冇大感覺。我認為做人，喺唔同階段、年齡，只要做好自己，為自己人生目標努力拼搏，每個歲數都可以係黃金時代。」積極、樂觀做人更重要。【爭氣能量源】好身材穿甚麼都有利，歌手更是外形先行，城城沒開騷、沒戲拍的日子，每日堅持跑步一小時喼弗，平日盡量清淡平衡飲食。重視外觀衣着以外，認定男人至少需要兩隻手錶，「一隻畀運動時用，一隻係着西裝、行紅地毯都配搭到，手錶係表現個人品味。」至於心靈讀物，「我係好堅持做人要有正能量，電影會推薦《阿甘正傳》。書，《生氣不如爭氣》。」 Gucci藍色孖襟褸粉紅條紋呔LonginesConquest Classic月相腕錶 http://ppt.cc/SWb4 與鞏俐拍的《西遊記之孫悟空三打白骨精》，是城城入行以來拍得最辛苦的電影。 http://ppt.cc/GkAl http://ppt.cc/b7wA 《三岔口》是令城城開竅的電影。 http://ppt.cc/kTIA 《父子》啟迪了城城對演員的層次。 http://ppt.cc/ugZh 城城或與米高積遜三哥Jermaine（右）有音樂合作計劃。 http://ppt.cc/lgZV Dolce& Gabbana深棗紅絲絹禮服黑色領呔LonginesConquest Heritage腕錶 http://ppt.cc/wdaz http://ppt.cc/0gtV 城城的正能量推薦，電影《阿甘正傳》及讀物《生氣不如爭氣》。 http://ppt.cc/NYvm http://ppt.cc/RCHh 影音及資料來源: http://hk.apple.nextmedia.com/entertainment/art/20150326/19089975 -- 我們把這一刻變做永恆心中的歌唱入靈魂我為你奉獻我最好的情歌只因為對你愛愛愛不完對你愛愛愛不完我們說好永遠愛不完... -- ※ 發信站: 批踢踢實業坊(ptt.cc), 來自: 111.241.98.19 ※ 文章網址: https://www.ptt.cc/bbs/AaronKwok/M.1427908936.A.774.html