[影音] 城城首度回應舊愛Lynn戀情：戥佢開心

看板AaronKwok (郭富城)作者julie1026 (Julie)時間9年前 (2015/01/25 21:29)推噓0(0推 0噓 0→)

留言0則, 0人參與討論串1/1

城城首度回應舊愛Lynn戀情：戥佢開心東方日報 01月25日(日) 16:15 【on.cc東網專訊】天王郭富城（Aaron）出席馬場紀念盃活動，他甫出場即與前英格蘭球星米高奧雲（Michael Owen）雞啄唔斷，兩人友誼顯然易見！Aaron表示近來因拍戲而消瘦不少：「瘦咗好多啊，因為唔係幾舒服，喺無錫拍戲好凍，今次係做孫悟空角色，成身都好多毛。」他續笑謂：「最搞笑係今次返嚟睇醫生，醫生話我依家個症狀係又熱又冷。（打針快好啲？）中醫唔主張打啊。（幾時再返去拍？）聽日做千嬅嘉賓，後日先返去拍，鞏俐等緊我，今次劇組陣容好好，又有大哥（洪金寶）做武術指導，覺得佢好有經驗。（好嚴格？）佢好嚴格同好認真。（冇冇傷？）有啲面傷、皮膚受傷，因為啲膠水會溶，之後要好好去保護番啲皮膚。」唔想再講負面新聞：希望大家尊重番我談到最近被指愛o靚妹而成為新聞焦點，他再三表示已在微博交代清楚：「新聞喺微博講晒啦，唔想再回應，再回應就變連續劇，同埋我已經寬恕傷害我嘅人。（唔係事實？）微博已經講晒啦。（會唔會追究？）唔會追究啦。（經理人小美之前發聲明話追究？）微博講晒啦。（對你形象有影響唔係第一次？）唔想再兜圈講呢啲啦，微博已講晒，最緊要係做好自己。（以後會唔會再喺社交網站add後輩？）唔再回應嗰啲事啦，因為好多內容同新聞都唔係事實，呢啲嘢侮辱得我好緊要，希望大家尊重番我。」唔刻意強求緣份談到舊愛熊黛林（Lynn）曾祝福他早日找到另一半，問會否祝福對方現覓得真命天子？他大方說：「身邊每個開心都會祝福。（你會祝福佢？）當然會祝福，我自己呢兩年感情空白，大家關心我嘅時間，我都係擺晒工作上，用心做好工作。（唔dry咩？）緣分天注定，唔會刻意強求，呢兩年冇諗，只希望完成理想工作，亦希望刻意中傷我嘅人快啲收手啦。」要求另一半內外美兼備問到Lynn曾暗示他讓人缺乏安全感？他說：「過去嘅事唔再評論，因為我係男人，好多嘢放喺心上，我會去承受，外間睇我點點點，我唔會用口去批評任何人，呢個唔係我風格同態度，男人應該要有風度，呢排見到佢咁幸福，我都好戥佢開心，見到圈內任何人開心，自己都開心，自己雖然工作辛苦，但依家冇嘢可以令我分心工作，不過我都希望將來上天安排一個好錫、好體諒同明白我嘅另一半畀我，自己都會諗吓有一個幸福家庭，唔知係咪我要求高。（要求係咩？）要有內涵，內在美同外在美。」城城坦言依兩年感情空白，會專心工作。 http://ppt.cc/Sv61 城城希望搵到個識體諒同明白佢嘅另一半。 http://ppt.cc/oC4r 城城（中）同奧雲超多偈傾，傾到雞啄唔斷。 http://ppt.cc/FVgL 城城（左）同奧雲握手示好。 http://ppt.cc/a6D1 大合照 http://ppt.cc/lAEy 影音: http://ppt.cc/UI2h -- 我們把這一刻變做永恆心中的歌唱入靈魂我為你奉獻我最好的情歌只因為對你愛愛愛不完對你愛愛愛不完我們說好永遠愛不完... -- ※ 發信站: 批踢踢實業坊(ptt.cc), 來自: 220.141.122.60 ※ 文章網址: https://www.ptt.cc/bbs/AaronKwok/M.1422192585.A.494.html